الحداكة والتويل بلمسات زهرات البستان

هادشي إلي عطا الله هههههه الحمد لله اللهم احفظ كل نعمة أنعمتها علينا من الزوال

فضمانو تبارك الله عليك الله يديمها نعمة ههه
انا نضت الصباح جمعت الدار عملت ماسك الحليب والزيت لشعرى والليمون والعسل لشفيفى باش يوليو ورديين
حليت السراجم وشمشت الغطا في السحاب مكاينشي الشمس معرفت فين مشات هههههه
وسديت السراجم ناضت العجاج ديال الشرقى
مشيت الكوزينة عدلت الحشو دلمسمن وبديت بالبلاكارات والغدا كان يطيب ساليت مسحت الفران والعجينة كتعجن كملت طلقت المسمن وعمرتهوم
وجففت ودابا عملتهوم يطيبو وجيت عندكم
الصور موجودين ليكتور لاكارت عند لوستى باقى مجيبتونجيبو نحط الصور

حتى أنا هاد شي لي عطا الله هاد الساعة والحمد لله والشكر لله على نعمه التي لا تعد ولا تحصى
اللهم أدم نعمك علينا واحفظها من الزوال

هاداك المجر الاخير كنعمل فيه السرابت د الكوزينة راه في الأول جات الصورة فحال إلى مقلوبة ومشيت على وعدي وسعدي
عاود صورتو ونزلتو ليكم باش ما يضركمش راسكم ونتوما كتبركو ههههههه يالله شي تشجيعات ...........ناري كترت الهدرة اليوم تجري علي كرميلا ههههههه

اليوم كملت تتخمال البيت مساحت الحيوط بسانكروا الورد وخيتو يتهوا و دخلت للكوزينة عملت بايلا وغسلت قشيعات ورجاعت نالبيت رتبت حيت عندي فيه حاجة زايدة كنحطي فيه بيت ديال بيبي ههههه مي سساليت ضربتها بدوش لداتي صليت لعصر وقلت نرتاح حتي ييقرب مغرب ونوجد فطور

تبارك الله عليكم البنات
انا ليومة مدرتش شيحجة يعني شقا عادي ديال دار و صافي مع فيية ديك زوينة لحميمرة كاتعصبني ههههههه

السلام عليكم ورجمة الله تعالى وبركااته

موضوع جد راائع فكرني بالايام *****ة ان شاء الله هي اللي غتعاود معاكم

انا باقي صحتي على قدي لكن ضروري ندير شي حاجة خفيفة ضريفة ههههه

المهم اول حاجة عملت مني فقت هي بدلت لبناتي فطرت انا وبنتي جمعت الطبلة ورجعت لبيت النعاس بدلت الفراش وعملتو يتصبن وفرشت اخر وفتحت الشراجم يتهوا البيت وبقيت جالسة حداه لان عندي بنتي نخاف تمشي ليه وبطبيعة الحال مني نبقا جالسة ضروري نعمل شي حاجة خديت النتاف وبقيت حاك بلاك للشعر الزائد ههههههه متوصيونيش على الحجبان مكنقربش ليهم ههههههه
المهم مني تهوا مزيان وحتى انا ضربات فيا الشمس مشيت نرد الغدا غسلت الدجاج كان جابو لي الراجل بالليل خليتو مرقد غسلتو ورديتو فالطاجين مع البصلة والزبيب مممم جا شهوة منو عملت شلاضة ورجعت لفراشي مبقاش عندي الجهد ههههههه
نتمنى تقريري يعجبكم وبادن الله مني نصح نرجع نشاركم بالصور كيف زماان

أنا صباحت شوي عيانة غدي نعمل حاجة خفيفة نغسل قشيعات ونوجد فطوري وعشا