أنا هاشنو وجدت للعيد وانت ..............؟

أنا هاشنو وجدت للعيد وانت ..............؟

صباح الخير والخيرات مع نسمات هاد الأيام المباركة

مبروك عواشركم والله يدخلو علينا بالصحة والسلامة ويتقبل منا ومنكم صالح الأعمال
بحلول عيد الأضحى المباركة كلنا تنعريو على دريعاتنا ونوجدو ليه قوامو والذي منو

ونبدا انا الأولى نقول لكم شنو وجدت وقولو لي واش باقا خاصني شي حاجة وبدوركم قولو لي شنو وجدت
وبالصحة والراحة للجميع

وجدت الثومة شريت كيلو ونقيتو وطحنتو بالملحة والزيت وخليتي قريعة فباب الثلاجة والباقي درتو فطاسات ودرتو فالكونجلاتور حتى نبغيه

وتقديت اللي خصني باقي لي غير الفاخر حشاكم ههههه

شريت الدجاج شي حاجة خليتها صاينة وشي حاجة قطعتها على حسب الإحتياج
ومشيت البارح نشري الحوت قليتو نار نارنار شريت شوية السردين والميرلان ورجعت بحالي

شريت البرقوق والزبيب وباقي لي اللوز ديال المروزية

وجدت شي حليوات حتى نسالي عاد نوريهم لكم مجموعين

المونة كلها عندي ومع غادي يعيدو عندي حباب السي الحاج دايرة حسابي مزيان باش حتى حاجة ماتخص

الحمد لله والشكر الله يدومها علينا نعمة ويتقبل منا ومنكم صالح الأعمال

يالله دبا نوبتكم قولو لي شنو وجدتو

الموضوع الأصلي: أنا هاشنو وجدت للعيد وانت ..............؟ || الكاتب: شاكرة النعمة || المصدر: منتديات ورود مغربية

http://www.woroudmaghribia.com/vb

كلمات البحث

منتديات نسائية, اسلاميه، زهرات البستان ، المطبخ العربي ، حواء ، الفراشات

المصدر: منتديات ورود مغربية - من قسم: قسم التجارب المنزلية

---

Hkh ihak, ,[]j ggud] ,hkj >>>>>>>>>>>>>>?

تبارك الله عليك اختي بان لي انا مبقا ليك والو كلشي وجتيه هههههه
انا اختي مموجدة والو حيت غادي نمشي للمغرب الى كتاب الله
يعني غنكون ضيفة هههه

اهلا اختي شاكرة النعمة

عيدا مباركا سعيدا بتحقيق جميع الاماني ان شاء الله

لا ضحكوشي علي انا مكنوجد والو للمناسبات و خصوصا باروبا كولشي متواجد على مدار الوقت و باش ما تقواش علي الروينة فوق ما احتاجيت شي حاجة

كنشريها فوقتها الا العطرية لي كتكون عندي متواجدة على طول السنة

الا الحلويات كنوجدها بيومان قبل العيد باش كنشارك بها حفل الاعياد بالجامع

لي كنحرص عليه هو ولدي الصغير يحضر احتفالات الاعياد بالمسجد

عواشركم مبروكة
انا باقي ناقصني راس العمدة الحولي هههههههههههههه
خصني قرفة عواد وشوية اللوز والفاخر

السلام عليكم ورحمة الله
عواشركم مباركة مسعودة البنات
تدخل علينا بالصحة والسلامة وباش ما تمنيتو إن شاء الله
حتى أنا فحال الاخت غصن بحكم أني في أوروبا ما كنوجد والو لي بغيتها كنمشي نجيبها من سوبر مارشي هنا ما كين لا زحام لا والو تقداي على خاطرك ههههههه والعطرية كتكون عندي على طول العام ما كنطحنها حتى لوقت الاستعمال والحلويات كنوجدها بيوماين قبل حيتاش حتى حنا كنتجمعو في المسجد باش كنحسو بالاحتفال

عوشركم مباركة وعيد ابرك
انا عنعيد الا بغا الله في مدينة اخرى دار تما مفرشة خصني غير ندي معيا كلشي
والحولي عنشريه تما وهنا كل مرة تنوجد حاجة كتير من الحاجات متتنتسناش حتى يجي العيد عاد نشريها تنشري كلشي
بكري لانه توقع لغلى بالنسبة للعطرية كلشي عندي الحلةة صايبتها الي كتب الله
الفاخر الحمد لله متنشريش عننا تتجيني خنشة حتى الدار من النوع الرفيع عنديه معايا متيخطانيش عام كلو
ولا كانت شي حاجة راني نزلها باش نستفدو
تبارك الله عليكم والله يكتب علينا جميعااا مكاتب الخير وتسير وتقبل ربي الاجر وحسنات في هذ الايام المباركة

عواشركم مبروكة والله يدخلها عليمم بالصحة والعافية
انا مكنشري والو وممكنوجد والو كتعيد عند عكوزتي هما ليكيشريو كلشي حيت كياكلو الغلمي انا وراجلي معنديشي علاش نوجد عندي كفتة البكري الا بغيت نشويها اولا طاجين البكري بالبرقةق والعطرية عندي من ديما

والحلوي كنت كنعملا كنديها لعكوزتي هاد العام غنوصي فلي فقاقص طريين ونديهم في يدي

تبرك الله عليكم وعواشركم مبروكة إن شاء الله


حتى أنا من ناس الغربة لعيد عادي هههههه يالله ديك ساعة إلي كنمشيو لجامع إلي كنحسو راح العيد إو كنرجعو كلشي متوفر الحمد لله حيت كلشي حال مشي بحال المغرب كلش أمشى لبلادو أعيد ههههه وكلش ساد ودنيا خاوية ههههه ياه توحشت هاد الأجواء


أنا العطرية كنجبها من المغرب جبت كلشي خصني غير زيتون البرقوق إن شاء الله نهار سبت نمشي عند العرب


إو خصكم المجمر ولقطبان الشواية ههههه طاجين هههههه هادشي كل عام كيتشرى ههههه تقول هداك إلي عندكم داز فيه تاريخ ههههه

إلي دار شي حلوة تنزلها لينا بش نشوف إلي سهلا نديرها هههههه المعكازة ياكو ههههه