تعالو نفيدو بعضياتنا فكيفية تحفيظ ابنائنا القرءان

تعالو نفيدو بعضياتنا فكيفية تحفيظ ابنائنا القرءان

السلام عليكم

كل ام تتحلم يكونو وليداتها من حملة القرءان كيف لا والنبي صلى الله عليه وسلم اخبر ان حامل القرءان يلبس والديه تاج الوقار يوم القيامة

هلمو فهاد الموضوع نتشاركو النصائح والتجارب وكل وحدة تقولينا شحال حفظ ابنها ديال القرءان وطريقة باش حفظاتو


انتظر ردودكن ..

الموضوع الأصلي: تعالو نفيدو بعضياتنا فكيفية تحفيظ ابنائنا القرءان || الكاتب: فجر الدعوة || المصدر: منتديات ورود مغربية

http://www.woroudmaghribia.com/vb

كلمات البحث

منتديات نسائية, اسلاميه، زهرات البستان ، المطبخ العربي ، حواء ، الفراشات

المصدر: منتديات ورود مغربية - من قسم: قسم العناية و التربية و تاهيل الطفل

---

juhg, ktd], fuqdhjkh t;dtdm jptd/ hfkhzkh hgrvxhk

كيشرفني نكون أنا اول وحدة كتجاوب على موضوعك فعلا مكرهتش نحفظ ولادي كتاب الله الكريم ولكن أنا لحد الان يلاه حفظت بنتي لي عندها تقريبا اربع سنوات سورة الإخلاص وسورة الكوثر لقيت شوية صعوبات في الاول ولكن من بعد حفضات وكنت كنحفزها نشري ليها شي حاجة وبالفعل ماكنخلفش ليها الوعد والحمد لله ودابا ناويا ان شاء الله نحفضها سور اخرى
والله المعين

الله يسر لينا وليك اختي باش نحفظو وليداتنا القرءان حاولي تدخليها لشي مسجد قريب ليك باش تشجع مع دراري

السلام عليكم

موصوع فعلا غاية في الاهمية

بخصص اولادي الكبار ففعلا هما عندهم الحفظ ساهل ... ..

اما ولدي الصغير ..وهادي كانت خاصية في كل اولادي الصراحة ثقااااااال في الهدرة

ما تتقاد ليهم تا كيكبرو ... وعندي ولدي ادم مازال ما حافظ والو هاني يلاه تنحاول معاه يشد سورة الاخلاص

ولكن هاد الساعة مازال

اوا الله يصوب

اوا اري فيديني بتجربتك

إكرام توحشناك كيف عاملة والكتاكيت كيف عاملين وريحانة كبرت شوية
موضوعك زوين تبارك الله مكرهناشي نحفضوهوم ومكرهتشي حتي انا معاهوم
بالنسبة لبنتي الحمدلله حفظت مزيان سورة الإخلاص والمعوذتين وفي المدرسة كايحفزهوم علي الحفظ بتقديم الهدايا
االلهم يسر للجميع

تبارك الله عليك اختي إكرام موضوع اكثر من رائع الله يجازيك بخير بالنسبة لولدي كنحاول نحفظو القرآن دابة يالاه حفظ الفاتحة والإخلاص والمعودتين والفكرة ديال انني نسجلو في مسجد لحفظ القرآن الكريم كاينة ولكن مازال مالقيت الله يسر والله يقدرنا والله يجعل وليداتنا كاملين إن شاء الله يكونوا من حفظة القرآن

اهلا فجر الدعوة لاباس عليك
فعلا موضوع مفيد وقيم بزاف
والله اخلي ليكم وليداتكم والله اجعلهم من حفظة كتاب الله
راه خطوة مهمة هاديك وكلما كان صغير احسن
كيما كيقولو العلم في الصغر كالنقش على الحجر
والله اوفقكم

ربي يخليكم اخواتي على المرور العطر

بالنسبة لتجربتي انا ولدي لكبير مهدرش بكري حتى دار 3 سنوات ونصف ديك الساع بديت تنعطيه اية اية تدوز اسبوع عاد تيحفظها مرة تنجتهد معاه ومرة تيجيني الملل منين شتو كيشد وخا معطل وليت نخدم ليه السور في الحاسوب المصحف المعلم ديال الشيخ الحصري ونخليه يعاود معاه ومنين نسالي شغلي نجي نراجع معاه دابا عندو 5 سنوات حفظ الحمد لله 12 سورة ودابا شهر باش دخلتو للمسجد كنديه كل احد زاد الحمد لله تشجع

ولدي الثاني عندو 3 سنوات لقيتو حافظ 5 سور غير بالسمع بكثرة متنعاودهم لخوه حفظهم والله الى فرحت حسيت المجهود لي تندير مع خوه عطا نتيجة حتا معاه رغم انه متينطقش شي حروف هدي تجربتي معاهم الله يجعلهم من حفظة القرءان ويصلح وليدات المسلمين

موضوع مفيد والله يبارك لكم في أزواجكم وأولادكم ويجعلهم ربي من حفظة كتابه عز وجل

شكرا اختى جزاك الله خيرا على هدا الموضوع القيم
اختى بالفعل مكاينشي بحال القران الكريم وحفظه
انا ولدي منين كان صغير دخلتو لدار القران كان كايعلمو الاستاد مسلم والحمد الله حفظ بالزاف الصور والتجويد ولكن للاسف مكاملشي منين كبر
ولكن رغم دلك الحمد الله دابا كبر مواضب على صلاتو ..ومرة مرة كيقرا القران وخا في بلاد الغربة
للعلم ولدي قرا في لامسيو ولكن كان من الاوائل في اللغة العربية والله بفضل من الله ثم حفظ القران
حتى بعض المرات كيقولي ماما شحال من اصحابي في المدرسة مكايعرفوشي الفاتحة