تاويل زهرات البستان مع الضياف

السلام عليكم

موضوع ممتاز جزاكم الله خيرا

نشاركوم بلي كنعرف لان الكاميرا الخفية قابطاني و حشومة علي ما نقولش و لو القليل و لكن لي ما عارف والو معذور مسكين

المهم انا عندي 2 مثالين للعراضة

يلا كانت العراضة بالمغرب

ضياف المغرب كنطيب ليهوم طياب مختلف على لي معودين عليه كل حاجة مختلفة و لو كانت الاكلة مغربية لازم كنعطيها طابع اخر

انا عادة عندي كل حاجة بالكونجلطور لضياف الغفلة او العراضة و كتبقى غير السلاظة و الديسير

بنهار قبل كنطلب من افراد الاسرة يعطيني اقتراح و يفكرني اشنو طيبت شي نهار و اعجبهوم و نقيد ثم كيمشي راجلي و يشري كل حاجة متواجدة فالائحة

ثم كتصاوب الدار و كنوجدوا الفوط و صابون اليد

هنا للاشارة مكنديرش المعطر للفوطات لان يقدر الدوق ديالي ماشي هو الدوق ديالهوم و من المحتمل هما دايرين عطر من النوع الممتاز ثم انه هناك ناس ما يبغيوش يشموا اي عطر او اي معطر و انا وحدة منهوم و كتجيني الشقيقة و ما نقدر لا ناكل و لا نشرب

لهذا فهاد النقطة بالذات يجب الاحتراس

ثم يلا بغيت نعطر المنزل كندير معطر الورد الخالص و الا القليل القليل و هذا من بعد ما كننتهي من الطبخ و نحل النوافد باش تخرج ريحة الطبخ

ثم انا فالعراضة ديالي مكنكلوش من طبق واحد كل واحد الطبق ديالو خاص بيه لهذا كنحرص على ان يكون السيري ديال الاطباق موحد و كذلك الفرشيطات و المعالق و السكاكين

ثم نرجعوا للطبخ او التثبيل من الاحسن عند التثبيل او بداية الطبخ ما نديروش الزيت لان الزيت كيمنع دخول الثوابل باللحم او اي شيء مثبل الا عند اخر لحظة يضاف الزيت و يفضل الزيت البلدية

ثم نرجعو لضيافنا لازم يكون عندنا المام بالوضعية الصحية ديالهوم كاين الناس النباتيين و ناس مرضى السكري و ناس مرضى الضغط و ناس عندهوم حساسية او ناس كيكرهو نوع ما من الاطعمة

اما الناس ديال اوربا كنطبخ ليهوم طبخ مغربي محظ

راه باقي كنتسنى العودة ديالكم ههههههه
اختي غصن تبارك الله عليك
وراني ستافدت من المداخلة ديالك
انا ديما كنشرمل اللحم مع الزيت هههههههه

السلام عليكم ورحمة الله
بالنسبة إلى كانت عندي شي عراضة أول حاجة كنعملها كنحدد اشنو غنطيب للضياف ومن تماك كنكتب اللائحة ديال التقدية وكنعطيها الوزير يجبها لي باش كنوجد كلشي على بكري إلى كان لحم أو دجاج كنشرملو في الليل غير نفيق الصباح نشعل عليها وحتى أنا ما عمري كنستعمل الزيت في الاول حتى في الطبخ العادي لانه فعلا كيف قالت الاخت غصن ما كيخليش العطرية تدخل فيه .......... وحتى سلطة إلى كانت شي خضرة خصها تصلق كنصلقهى في الليل كيبقى غير دريسين حتى الوقت التقديم ونعملو وحتى دواز اتاي والقهوة كيكون عندي واجد في الكونجيلاتور المالح والحلو باش نتفادى إلى كان شي حد عامل رجيم أو مريض يقول لي ماكناكلش هادي حلوة أو هادي مالحة المهم كنزل كلشي وهو يختار وحتى اتاي أو القهوة دائما كنزلهم مسوسين والسكر منزل على جنب ولي بغا يحلي حسب دوقو............وكاع الماعن لي غنحتاج من الصنية والطبيسلات والفراشط والمعالق و السرابت يعني كاع الأواني لي غنحتاج كنوجدها على بكري وبطبيعة الحال كنكون مخملة الدار ومنضفة الحمامات وموجدة الفاط ومبخرة الدار وحتى الفكرة ديال لي بغى حبابو ينوض لفابو لغيتها ههههههه عندي فيطات صغار في ألوان مختلفة كنبللهم بالماء وماء الزهر وإلى كان البرد نسخنهم في الميكرو ونقدمهم للضياف بلا ما نعدبهم

فاضمة حتى أنا كيجيني الستريس حتى كيمشي الضيف فرحان وناشط عاد كنرتاح هههههههه
المهم هادشي لي تفكرت دابا و إلى جات في بالي حاجة أخرى نعاود نكتبها إلى ما كنتيش زربانة هههههههه
بالنسبة لطريقة باش كنعطر الدار بالاتي نقلب على شي صور ما عرفت فين تجلاو راه pc ولىكيطب القرع عمر بالصور هههههههههههه

بغيت نقول الشرع ، وااااع هههههههه شحال نكرنا على خاصية التعديل ووالو هههههههه

تبارك الله على اختي غصن ولطيفة عطيتونا افكار جداد

السلام عليكم
المهم الا كنت عارضة على شي حد خاصني نكون ناوية ب15 يوم قبل هههههههه باش يلاه نعرف اش غاندير ههههههه تنقرر بمساعدة الشاف ههههه زعما هههههه ونقول ليه اش خاص اجيبو وعادة تيكون خاص غير شي حاجة قليلة ديما تنكون موجدة على حساب شي ضيف على غفلة ونسيق الدار ونجمع كولشي نوجد الماعن لي غنحتاج نغسلهم ونزيفهم ونحط كل حاجة فبلاصتها بعد لمرات تا الصينية داتاي تنوجدها ونحطها يبقالي غير نعمر ....... نهار لعراضة تنفيق بكريييييييي مع الخلعة ههههههههههههه نعجن وندير الخضر دالسلطة يتسلقو وندير اللحم او الدجاج على حسب يطيب ونجمع ونفطر نجمع الدار جميع خفيف ندوز شي جفاف مع سانيكروة ونبدل عليا ونرجع للكوزينة نكمل ولماعن لي وسختها نغسلها ونرجعها بلاصتها باش منترون الديسير تنصايبو بكري ونغطيه وحتى لكيسان دالعصير او لموناضة غير نسمع الباب تيتدق صافي تنتلف ههههههههههههههههه متنرجع لحالتي العادية تا نكملو الماكلة هههههههههههه

تبارك الله عليك اختي غصن فدتيني بزاف وحتى انا زيت كنديرها هي الاخيرة
تبارك الله على لطيفة وافكارها
تبارك الله على ام هاجر معندي منتسالك

اقتباس   [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] المشاركة الأصلية كتبت بواسطة أم الاميرتين بغيت نقول الشرع ، وااااع هههههههه شحال نكرنا على خاصية التعديل ووالو هههههههه

اختي ام الاميرتين راه خاصية التعديل عند الجميع و هي 60 دقيقة

ياكي ما رونتي داك الملف ديالك و منعتي على راصك التعديل؟؟؟

او ادخلي يا للا و ديري موضوع بقسم الشكاوي و احطي لي كلمة المرور ديالك و نشوف شكون لي فيه الحق

فعلا اختي غصن حتى انا بعض المواضيع كتكون عندي ولوخرين لا معرفتش علاش

السلام عليكوم
انا قليل فاش كيجي عندي شي حد او كنعرض عليه والى غنعرض عليه خاصني نعرف قبل بصيمانا او اكتر باش نتقضى اللي خاصني بعدما قررت اشغادي نطيب اكلشي اكون مقاد ومتول قبل باش ابقاو غير اللمسات الاخيرة و الحاجات اللي غدي تكوجلا نقادها نديرها فالكونجلاتور
و الى كنت غدي نعرض على ناس هاد المنطقة الاغلبية كيكون شي اكل تقليد ي داكشي اللي عزيز عليهوم بحال طاجين الدجاج البلدي و بداز
و الى كان شي حد اخر خاصني نحداك كتر هههههههههه