الحداكة والتويل بلمسات زهرات البستان

انا اليوم ملي فقت وانا واقفة حتى دابا عاد كلست خملت بيت النعاس وطويت الصابون ودوزت لاسبيراتور لدار كاملة مسحت الغبرة ومشيت لكوزينة خملتها حتى هي ودرت الغداء نقيت الربيع وغسلتو وحطيتو يتسقطر والكرافس حتى هو غسلتو ونقيتو حتى لشوية ونقطعهم دابا البرد كنديرو لحريرة بزاف هداكشي علاش كنوجد لقوام فالفريكو وسلام ههههههههههههه

تبرك الله على لطوف وعلى منولة


شريفة هههههه فش مشتهيدة هههههه


حتى أنا طبقت البرنامج


كريمة حطي اش غادي ندرو غدا

السلام عليكم
انا ليوم فقت بكري وجدت لفطور درت مسمن وفطرنا خرج راجلي مشا لخدمتو ايوا وانا نوض لدارجمعتها ودوزت سبيراتور صبنت لحوايج ديال دراري ومسحت لغبرا ديال دار كلها ودخلت لكوزينة عجنت ورضيت لغدا غسلت لماعن ديال لفطور وجففتها ومشيت لحمام حكيتو وجيفيتو حتى هوا ايوا لحمدلله الله يجازيك كل خير اختي كريمة ايما لماسك لشعر مدرتوش حيت فييا هاديك لغزالة
كريمة كنتسناو لبرنامج ديال غدا هههههههههه

سمحولي والله دخلت بلليل باش نحطو وتلهيت مع شي صور ونسيت
ان شاء الله اليوم غادي نجماع بيتي مزيان ونعطرو وندوز جفاف عليه.
وعندي الحديدة والصابون يتطوى
وعادي نعمل الغدا ولكوتي عند عجوزتي نعمل حريشات معمرين بالدجاج وحريشات صغار عاديين
بالنسبة للبرنامج
ماشي بالضرورة يطبق بحاذفيره كل واحد والظروف ديالو أنا غير كنحط اللي كنعمل غير باش نحفزو بعضنا
ومنحسوش بلعيا والملل

هاد الشي اللي غادي نعمل اليوم
باش منهلكوش رأسنا
ان شاء الله الي بقالي وقت غادي نخمل ونركن مجورة دلكوزينة
نهاركم سعيد

هاد النهار مغادي نعملو حتى حاجة للوجه خليه يرتاح ولا الشعر

انا اليوم صابحة الدار مجموعة درت الغداء وغسلت الدوشات اعزكم الله وعطرتهم وعطرت الدار صافي وهانا كالسة حدى النت

سلام عليكم أنا بحال منولة ههههه اليوم شغل خفيف ههههههه

السلام عليكم انا ليومة شغل خفيف جمعت دار وعطرتها وطويت لحوايج ديال صابون هادشي لي درت

السلام عليكم
انا اليوم فقت درت الفطور فطرنا ودرت الغدا الكرعين بالحمص
وخليتهم كيطيبو على خاطرهم وغسلت القشوع
وحليت الشراجم وهويت الدار
وهويت بيت النعاس وشمست المالط ومسحت الغبرة والخشب
ودوزت ليها واحد الجفاف بسنيكروا هههه ياسلام
وهنا معاكم