اريد سيدات حكيمات في تسيير مصروف البيت

تبارك الله عليكم
كولكم استادات في الاقتصاد ماشاء الله
انا عندي واحد الموشكيل وعليه كولشي عندي مخربق
انا راجلي معندوش ماندا شهرية
يعني مكيتخلص على شهر
حسب الخدمة
نتمنى تعطوني بعض الاقراحات والحلول

اقتباس   [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] المشاركة الأصلية كتبت بواسطة warzaziya تبرك الله على شكيرة ديمة متألقة أنا راح معكم في صندوقة من زنقة لخرى هههههه ولكن مدرتش صندوقة إلي كتسد ههههه غير كنتزير نمشي لدكشي إلي جمعت هههههه مرحبا والف مرحبا بيك سحرية غبرتي بمرة كديرة لبس عليك والبنية والفت شوية نتمنى نشوفو مشركتك تبرك عندك متقال في الأقتصاد ههههههه واحد انصر نبيك ماعندك خبر عليها

أختي ورزازية ترحب بيك الجنة راكي عارفة أشنو وقع في الزنقة القديمة لهذا مابقيتش كندخل لأني غنضيع غي الوقت على والو وهذا موضوع مهم بزاف ومحتاج تفاعل ومشاركات جادة
واحد السؤال ههه أشنو سميتك في الزنقة القديمة

اقتباس   [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] المشاركة الأصلية كتبت بواسطة شاكرة النعمة مرحبا ومية الف مرحبا بك معانا وكل من جا من جهة ام مروان راه عزيز وحبيب

أختي شاكرة النعمة بارك الله فيك إن شاء الله نتجمعو كاملين وتكون الإستفادة

السلام عليكم ورحمة الله تعالى وبركاته
هذه أول مشاركة يا في هاد المنتدى اللي دلاتني عليه حبيبتنا أم مروان واللي نتمنى تتبعها إن شاء الله مشاركات كثيرة بحول الله إلا قبلتو بيا بيناتكم
سحاريا من الزنقة القديمة



اهلا و سهلا و مرحبا بك اختي الغالية ام ريحانة و على فكرة ام ريحانة هي saharia
الغالية بحق جاتك السمية زوينة ام ريحانةتيمنا بابنتك افرحك الله بها و اقر عينك حتى
تكبر و تشوفيها في اعلى المراتب و عروسة ان شاء الله و بارك الله فيك اختي الغالية
على كلماتك الرقيقة و الله اني فرحة بمحبتكم و تواصلكم و شكرا لك غاليتي على مهاتفتي
كم مرة خلال مرضي جمعنا الله مع المتحبات فيه ان شاء الله

اخواتي الكريمات ارجو من كل واحدة فيكن ان تعمل حصالة
اللي ما كتفتحش و تحط فيها المبلغ اللي تقدر عليه و تنساه
و تعمل نفسها راه ما عندهاش و قبل ما تبدى تحط تفكر فشي
حاجة خاصها و بغاتش تشريها و ما لحقاتش ليه و هكدا ما
غاديش تقيص الفلوس اللي كتخبع حتى تعمر الصنيديقة و
على فكرة ما تستهونوش باي حاجة قليلة كانت او كثيرة
راه نقطة بنقطة طيحمل الواد

و عندي اقتراح للاخوات اللي باقيين اولادهم صغار الله يخليكم الى ما
خزنو ليهم داك النصيب اللي كيعطيوه في الخلاص ديالهم نساوه بحال
الى ما كاينش حطوه مثلا في صندوق التوفير يعني كل الشهر يتنزل
الخلاص اللي كتقبطو عليهم في الشهر و خليوه عام على عام و تأكدو
بانه غادي تجي الوقت اللي تحتاجوه لهم فيه منين الاولاد كيكبرو و
كيصبحو في الاقسام العليا و اللي لازم تعملو ليهم مراجعات او مللي
كيقبطو شهادة الباكلوريا و خاصهم شي مدرسة بالفلوس و انتم جاتكم
غالية و لكن ديك الساعة اللي كتوجدو دوك الفلوس اللي خبعتو بحال
الى لقيتهم و هديك هي احسن استتمار عملتوه لان الاستتمار ديالنا
هما اولادنا ما تخليوش ليهم المال و لكن خليو ليهم العلم هو سلاحهم

اختي تطوانية ان شاء الله غادي نعطيوك الاقتراحات غير قولي لينا مثلا
اشحال يكون عندكم تقريبا في الشهر اعطينا مبلغ تقديري و و اشحال
كتخلصو في الماء و الضو واش كاريين و لا داركم و الى داركم واش
عندكم فيها شي اقتطاع اختي الغالية هدا ماشي فضول لا سمح الله و
لكن حتى يساعدوك الاخوات و يخرجو ليك من داك القدر المالي تسيير
المصروف ديالك و نتمنى على الله ماشي غير المصروف بل حتى االادخار

أنا مازال عاملة دارت اللي كنا بدينها وعملت حتى صنيديقة وكنحاول مني ناخد مصروفي كنحيد منو واحد القسط نرميه فيها وعاد مره مره نرمي فيها شي بركة
بالنسبة للمصروف كناخذ غي داك شي اللي محتاجاه فقط ماكانخدش شي حاجة زايدة مابقيتش كنمشي الأسواق الكبرى كنمشي الهري وكنعمل ورقة مسجلة فيها كل ماكنحتاج وحتى الخضرة كنتقى غي القياس من قبل ماكنتش كنمشي السوق ولكن دابا وليت كنمشي مع زوجي باش نجيب اللي خاصني فقط

حمدا لله لعودتك اختي ان شاء الله تكوني بخير و تحسنت حالتك

انا منين كانو ولادي صغار افتحت ليهوم حساب بنكي لان الحصالة كانو كيدوزو عليها و يخليوها كتضحك
كل بداية الشهر دايرة مع راصي واحد المبلغ ما نمش فيه
منين كتضخل لي المانضة ....البنك مباشرة كيقتطع النصيب لي مقررها شهريا و يدخلو فالحساب ديال الاولاد ...و انا ما كنحش بانني زولت شي حاجة من المصروف
و الحمد لله منين كبرو الاولاد صابو عندهوم واحد النصيب يقدرو يخططوا بيه المستقبل

اهلا و سهلا و مرحبا بك اختي الغالية ام ريحانة و على فكرة ام ريحانة هي saharia
الغالية بحق جاتك السمية زوينة ام ريحانةتيمنا بابنتك افرحك الله بها و اقر عينك حتى
تكبر و تشوفيها في اعلى المراتب و عروسة ان شاء الله و بارك الله فيك اختي الغالية
على كلماتك الرقيقة و الله اني فرحة بمحبتكم و تواصلكم و شكرا لك غاليتي على مهاتفتي
كم مرة خلال مرضي جمعنا الله مع المتحبات فيه ان شاء الله[/SIZE][/QUOTE]

أختي ام مروان هذا واجب وانتي لك فضل كبير علينا من بعد الله طبعا
بالنسبة للصنيديقة خديت ديك الكبيرة ههه باش نتحمس أكثر
حبيباتي دابا الصيف ورمضان على الأبواب وعاد المناسبات مثلا أنا دابا بغيت ناخد حويجات جداد وبغيت جلابة للعيد وعاد عندي واحد المناسبة من بعده إن شاء الله الحل اللي لقيت أني نعمل دارت مانفوتش فيها 6 أشهر ب 500 درهم يعني 3000 درهم في المجموع ناخد 2 لبيسات زوينين أما الجلابة فغناخذ الثوب ونفصلو ونخدمو بالكروشيه بنفسي وهكدا نوفر فلوس الخياطة ونشوف اختي دير لي شي طريزات بالإبرة الشرقية وهاهي الجلابة حيدات بالنسبة القفطان حتى نفكر مزيان عاد نقرر
اما بنتي فراني كنوجد ليها في كسيوة صيفية للعيد بالكروشيه وغندخل فيها حتى الثوب وهكدا غتكون مميزة وللعلم هادي الكسوة الثالثة اللي كنخدم ليها