اريد سيدات حكيمات في تسيير مصروف البيت

تبارك الله عليك اوا ارا فيديونا اشنو هما الخطوات اللازمة في هاد الايام

اقتباس   [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] المشاركة الأصلية كتبت بواسطة منولة اختي حنان ام ادم الا كنتي غير انت وراجلك او وليدك فدار ومكيجوك الضياف بزاف راه تكفيك اختي انا نعطيك واحد الطريقة وشوفي واش تخرجك عندك 2000درهم ملي تشديها في يديك حيدي منها 250 درهم ديريها فشي حصالة او غراف لي متقدرلايش تحليه بسهولة و 250 درهم اخرى خبيها تحت حوايجك ونسايها الا للضرورة غادي تبقا ليك 1500 درهم هي باش غادي تكتفي الشهر كولو وحاولي مزال تشيطي منها قسميها على 5 ديال الاظرفة كل ظرف حطي فيه 300 درهم ورقميهم الاسبوع الاول والثاني والثالث والرابع وبعد المرات كيكون الخامس يعني كاين الشهر لي غادي يشيط ليك مصروف واحد الاسبوع هداك خليه حتى هو للطوارء المهم هو انك متفوتيش 300 درهم في الاسبوع وحاولي الحاجة لي ماغادي تحتاجيها ما تخديهاش بحال تشري لعدس ولوبيا وليباط وديريهم مرة وحدة ويبقاو محطوطين عندك خليهم حتى تحتاجيهم وشري لي يكفيك وملي تكوني غادية الحانوت حاولي هزي تمن الحاجة لي انت باغا حيث الا كانو لفلوس فبزطامك غادي يبانو ليك شي حوايج انت مامحتاجاهم وتمشي تخسري فيهم لفلوس المهم ملي يسالي الاسبوع الصرف لي شاط ليك خليه فالضرف ديالو حتى يسالي الشهر وحسبي شحال شاط ليك فكل ضرف وداكشي لي شاط ليك حطيه فالحصالة والا كنتي مامسيتيش هاذيك 250 درهم لي مخبيا تحت حوايجك خودي منها 100 درهم وحطيها فالحصالة و150 درهم ديريها بزطامك تكون مصروفك الشخصي والا قدرتي تحطي اكثر فالحصالة راه مزيان وديري شي هدف قدام عينيك وجمعي لي لفلوس وحطي شي هدف كبير باش يخليك تردي لبال لكل درهم فين خرجتيه وبلا منوصيك طبعا خصصي واحد الملغ للصدقة واخا يكون بسيط راه عند الله كبير اوا نتمنى نكون فدتك واخا غير شوية واي استفسار اخر انا جاهزة ودائما حطي فبالك انه كاينين اسر اكبر عدد منك وعاشين بقل من المبلغ لي كيعطيك راجلك

تبارك الله عليك منولتي ...طريقة جد مميزة وعملية
انان راني قفرتها في الفترة الاخير والراجل غير تيغوت عليا ههههه

خاصني عاود نرجع لشدان لاصمطةههههههههه ....الله يصوب


وطريتتك عجباتني كثير

قائمة المشتريات طويلة غير الله اسهل علينا وعليكم
براكة غير داك بو قرون شحال غادي اوصلو هاد العام

ماشاء الله على مدبراتنا الحكيمات ...
ايوا زيدو فيدونا ..وخا انا مقبطاش المصروف هههههه
والله يجازي حبيبتي شاكرة النعمة ..على تتبع هاد الموضوع الرائع وانعاشو وزرع الروح فيه بعد مقطعاتو وتخلات عليه للاسف الاخت ام مروان ..

سمحي لي اختي ام الشهيد مروان انا ما تخليتش على
الموضوع راه كل مرة كيجيني ظرف فشكل الله يعطينا
ساعة هانية مزيانة راني تقريبا من العطلة و انا باق ما
تقاديت الله يصوب و حتى الى تتبعاتو الغالية شاكرة
النعمة و نعشاتو و زرعات فيه الروح راه هادشب ماشي
جديد عليها راه اشحال من مرة كنتشغل عليه و مدة ما
كندخل ليه حتى في المنتدى الاخر و هي الله يجازيها
بخير اللي كتاخد بزمام الامور و الله يجعل مت تقزم به
في ميظان حسناتها ان شاء الله

اهلا بيك اختي ام مروان توحشناك ونتمنى ماتبخليش علينا ..لي عودة للموضوع حريرتي حريرة هههههههه

اخواتي الكريمات راني ما درتش شي تدخل او فكرة حتى نشوف اشنو
السياسة اللي غادي النهجو في هده الميزانية اللي تخربقات و دلك
من بداية هده العطلة الى نهايتها و الدخول المدرسي و ها العيد الكبير
على الابواب نتمنى اخواتي نفكرو كلنا في تسيير محكم حتى يعيد لينا
التوازن للمصروف اللي تخربق و ما عرفناش نقادوه من جديد

اهلا بيك اختي ام مروان توحشناك ونتمنى ماتبخليش علينا ..لي عودة للموضوع حريرتي حريرة هههههههه





اهلا بك اختي بلقيس راه كلنا حريرتنا حريرة من بداية
العطلى الى الان خير الله يصوب من عندو

عجباتني طريقتك منولة أنا 2000 درهم مكتكفنيش غير أنا وراجلي في تقادية يدي مثقوبة وعيني كيرة وغدي نحاول نطبق طريقتك

تبارك الله عليكم البنات ان شاء الله نشطو الموضوع شوية راه اخر الشهر هادا
يالاه اللى عندو شي افادة يحطها
ان شاء الله نحط افادتى العشية او الصباح
غادى نمشي لاسواق السلام دبا
في امان الله