الصباط ضياق عليك اجي نقول لك الحل ........

الصباط ضياق عليك اجي نقول لك الحل ........

السلام عليكم ورحمة الله

بعض المرات كنشريو شي صباط عاجبنا وكيجينا ضيق واخا هاكداك تنشريوه على اساس غادي يوساع شي نهار ولكن وتقول واش بغا يوساع ولكن حنا مع راسنا قاسح وباغيين نلبسوه بزز غادي نوسعوه بزز ،غادي تقولو كيفاش انا لقيت لكم الحلول السريعة

لبسيه فالدار وشبعي دوان حتى يتنفخو رجليك غير صبري راه غادي يوساع

ماصدقاتش الطريقة الأولى ديري الطريقة الثانية واللي هي انك تلبسيه مع تقاشر غلاض

والطريقة اللي عجباتني بزاف هي هادي غادي تعمري بلاستيكة بالما وحطيها داخل الصباط ودريه حتى هو فساشية وحطيه حدا اللحيمات والدجيجات فالكونجلاتور حتى يتجمد على خاطرو وفالصباح الالة جبدي مولاي الصباط وخليه يطلق عظيماتو ولبسيه على خاطرك بلا خوف

ومانساوش الطريقة المعروفة والقديمة واللي وهي انك تعمري الصباط مزيا ن بالجورنال فازك ولا تقاشر ولا ثوب فازك

دريه فالشمس يتبرونزا على خاطرو حتى ينشف الجورنال

نتمنى هاد الأفكار يلقاو إقبال عندك
والسلام عليكم ورحمة الله

الموضوع الأصلي: الصباط ضياق عليك اجي نقول لك الحل ........ || الكاتب: شاكرة النعمة || المصدر: منتديات ورود مغربية

http://www.woroudmaghribia.com/vb

كلمات البحث

منتديات نسائية, اسلاميه، زهرات البستان ، المطبخ العربي ، حواء ، الفراشات

المصدر: منتديات ورود مغربية - من قسم: قسم التجارب المنزلية

---

hgwfh' qdhr ugd; h[d kr,g g; hgpg >>>>>>>>

الله يعطيك الصحة ...حتى انا محتاجة لهده الفكرة هههههههههههه

بارك الله فيك على النصائح المفيدة

مشكوووووووووووورة اختي

تبارك الله علي هاد الافكار قلي واش الا بلاستيك كان عامر بالماء وتغشي في السباط ميطرطشي الميكة ويغرق سباط هه

شكرا جزيلا اختي على هذ النصائح


انا مجربة منين كنشري الصباط جديد ما نخرجش بيه اول استعمال كيكون بالدار كندور بيه و منين نشوف رجلي بداو يحمارو كنزولو و نغيب عليه شي ايام و نعاود التجربة

و ما اضحكوش علي من بعد ما كنبغي نخرج بيه للزنقة كيكون معاي صندالة احتياطية باش رجلي ما يغضبونش مني و نبقا بالام الظهر مدة
.

اقتباس   [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] المشاركة الأصلية كتبت بواسطة الشريفة الله يعطيك الصحة ...حتى انا محتاجة لهده الفكرة هههههههههههه

ايوا بالصحة الصباط حتى انا كنت محتاجها داك الشي باش غير عرفتها حطيتها لكم سخونة ههههه

اقتباس   [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] المشاركة الأصلية كتبت بواسطة ام عبووودي بارك الله فيك على النصائح المفيدة

الله يبارك فيك اختي ولا نعلو عليك في النصائح ديالك القيمة

اقتباس   [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] المشاركة الأصلية كتبت بواسطة ام البناتي مشكوووووووووووورة اختي

لا شكر على واجب ،لأننا هنا غير باش نفيدو بعضياتنا
وربي يخليك البيات ويحفظهم

اقتباس   [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] المشاركة الأصلية كتبت بواسطة hanooaa تبارك الله علي هاد الافكار قلي واش الا بلاستيك كان عامر بالماء وتغشي في السباط ميطرطشي الميكة ويغرق سباط هه

انت وشطارتك هههه سدي البلاستيك مزيان ولا دوبليه كاع باش تحيدي الشك وراه ملي تيجمد صافي