معروضين معايا فدارى مرحبا بيكم

معروضين معايا فدارى مرحبا بيكم

سلام وعليكم ورحمة الله وبركاته
نهار الاحد كنت عارضة على العائلة او عاد وصلات نوبتى فعراضة دلعيد حيث كانت الشتا ومكان حد يخرج من داره
وقربو العائلة يسافرو قلت نحيدها عليا متبقاش فوق ظهرى ههههههههههههههههه
وجمعت تانى دار راجلى ودارنا ودار عمتى 3عصافير بصحنين ههههه
المهم كانت عراضة للغدا والكوتى طبعا
قبل العزومة بنهار وجدت كلشي
وقبل كنت عاملة برنامج اشنو نوجد
عملت مروزية بسطيلات بالحوت وسلاطات مرافقة وطارط غلاسي حيث باقى الجو سخون شوية هههههه وعاد فوقاش مايكونو الحباب ماجيين يطلبو منى نعملها احم احم شكار راسو داز قدامى هههههههه
بقا فيا غير طبسيل مروزية مصورتوشي حيث كانو واقفين قدامى فلكوزينة وحشمت نصور مخصنى بوتعليقات
والدنيا مخلطة
كانو جوج مجالس للرجال ومجلس النساء طبعا
قبل بنهار عملت طارت غلاسي
وللكوتى عمرت بلاطو دلحلوى غلفتو كانت باقا عندى من العيد وعملت كيك بالتفاح وجبدت الكفتة باش نشويها في العشية مع اتاى والقهوة
سلقت الخضر بلليل وحطيتها بالثلاجة وقليت اللوز والبيض وشرملت اللحم دلمروزية وجدت البسطيلات
الصباح نضت شعلت البوطة على اللحم وفطرت براء وفطرنا ولمطت البسطيلات وحطيتهوم في الفران وخليتهوم
وليت نلمطهوم فطبسيل التقديم مكايوقعلو والو في الفران
جماعت الدارعاونى راجلى مسكين
ودوزت جفاف خفيف وبخرت الدار ومع 12كنت مسالية
دخلت دوشت لبست بقيت جالسة في انتظار الضيوف اللى بداو يجيو حتى من جوج لفوق هههههه فقسة




كيك التفاح ديال التازية الله يجازها بلخير





سمحولى مقدرتشي نصور الطبسيل تقديم اللحم كانو واقفين معايا بنات عمتى ومرات ولد عمتى وحشمت نصور هههههههه




هادى ديال الرجال حيث كانو قلال ههه عملت طبسيل صغير






هاد الشي اللى عطا الله
اللهم ادمها نعمة واحفظها من الزوال

ان شاء الله نحط كلشي بالتفاصيل
قبلو عليا

الموضوع الأصلي: معروضين معايا فدارى مرحبا بيكم || الكاتب: الراجية عفوربها || المصدر: منتديات ورود مغربية

http://www.woroudmaghribia.com/vb

كلمات البحث

منتديات نسائية, اسلاميه، زهرات البستان ، المطبخ العربي ، حواء ، الفراشات

المصدر: منتديات ورود مغربية - من قسم: قسم خاص بالولائم و الافراح

---

luv,qdk luhdh t]hvn lvpfh fd;l

تبارك الله وماشاء الله على لحدكة ديالنا عراضة دايزها لكلام الله يعطيك الصحة **** شمالي هدشي غزال غير حتى نتي درتي لفالطة معرضتيش علينا ندوقو هاد لخير هههههههههه بصحتكم و الله يخليكم ديما مجموعين فلفرح

تبارك الله الحداكة باينة غير من الصور
كنت تيسحب لي احنا لي معروضين ( من العنوان)
اوا كنتسالوك عرضة او لا ؟

بسم الله ما شاء الله تبارك الله عليك أختي كريمة عراضة مضخمة وكولشي غزال الله يعطيك الصحة
والله يخليكم ديمة مجموعين والله يخلي لك مول الدار لي عاونك مسكين

ربى يخليكم عيونكم اللى غزالة
ربى مايحرمنى منكم
مكرهتشي نتجمعو كاملين ربى اللى شاهد ونعملكم احلى عزومة
الله يبارك فيكم مشكورين على المرور

تبارك الله على كرميلا الله يعطيك الصحة عراضة من داكشي الرفيع

تبارك الله عليك الحادكة ديالنا عراضة دايزها لكلام الله يعطيك الصحة

السلام عليكم
كريمة الله اعطيك الصحة
عراضة معتبرة
والله ادومها عليك نعمة
احلى تقيم

عراضة معتبرة وديال التظخيم ..
في الحقيقة هادي هي حلاوة العيد ..العراضات والعائلة كتتجمع على الي قسم الله ..والجو الحميمي للعائلة المغربية والحمد لله..

تلارك الله عليك حبيبتي