الحداكة والتويل بلمسات زهرات البستان

أنا البارح درت بيت عنس ههههه وبدلت لفراش ومخاد ودوزت جفاف وحد فكرة قريتها في جهة لخرى واحد ريحة مكتعجبنيش أرشيت بها جفاف ناشف ودوزتو في لخير مممممم كيخلي ريحة زوينة الله إجازي ملات الفكرة


حسنا أنا ماعندي حتى فكرة شوفي خشي فيه شي لقطيب بش أتسرح

بيت نعاس هههههه نسيت مصحيت هههههه

حتى أنا خصني ندير تلاجة ههههههه ومفياش هههههه

فاضمة را كلنا هكدا كننساو هاد الركينة

السلام عليكم انا رجعت لكشينتي لبارح هههههههههههههه لي هيا داري ومنعاودش ليكم تمارة من حليت عنيا وانا فرواين حتى لدابا جاب الله لقيتها مسيقة والغبرة ممسوحة يعني غير داكشي لي جبت معايا الخضرة الدسير التموين لحوايج فقت صباح وجت لفطور فطرنا خليت لماعن ديال لفطور فوق الطبلة ونط لكوزينة رديت الطاجين والخضرة تبخر ديال السلاض وبديت بالثلاجة هي الاولى ستفت فيها الخضرة و الدسير والمسائل الاخرة ثم درت لبلاكار ديال التموين ستفتو حتى هو ومشيت لبيت نعاس خويت لحوايج وطويتهم وجمعت ناموسية وعطرتو و خرجت لمرح جمعتو ورديت الصبابط لبلاكار ديالهم عطرت الدار وجمعت ماعين لفطور ومسحت الطبلة غسلت لماعن قليت لفريت وقاديت السلاض وحطيت الغداء وبدلت حالتي وهاني معاكم دابا ملي كتب جاني ساهل هدشي لي درت

تبارك الله عليكم الحدكات
لبارح حيدت طلامط ديال لبيت وريدوات صبنتهم ودربتها بتشطيبة لزربية وفركتها بلبرودوي ومسحت لغبرا ديال دار كلها ومسحت لغرس لي عندي حتى هوا
ايوا دابا بغيت ندوز على لحيط نمسحو حتى هوا هادهشي لي كاين

الحادكات واش مابفيتو كديرو والو ولا انا اليوم الاثنين صبحت على منظر جميل الدار مقلوبة راسا على عقب ههههههههههه
اول حاجة دخلت للدوش وقبل ما نخرج منو طرفتو وسيقتو وعطرتو خرجت مشيت لكوزينة صايب عصير و عمرت اتاي حطيت الفطور فطرنا جمعت لماعين رديت الطاجين وغسلت الماعين طرفتهم درت لحوايج فالمكينة وانا نخرج من الكوزينة دخلت لبيت النعاس جمعتو وعطرتو بدلت الفراش ديال السرير شطبتو وخرجت منو ههههههههههههه مشيت للصالون مسحت الغبرة شطبتو حليت شراجم ديال الدار بان ليا غير لعجاج وانا نسدهم دوزت واحد التشطيبة للمرح غسلت لافابو وخرجت جبت الليمون باش ندير العصير ورجعت عصرتو حطيتو برد صايب شلاضة ديال ليبلي و خضيرة وكلست حدا لبيسي

الحادكات واش مابفيتو كديرو والو ههههههههههههههههههههههههههههههههههههههه

السلام عليكم الغزالات انا نهار جمعة كانت دار عندي مقلوبة بدلو سراجم ديال دار كلها وكنت خدامة غير جيت من لخدمة وانا نوض ليها لقيتهم سالو ولاكين دار ولات حالتها عاد شطبت ومسحت لغبرة ورضيت ريدوات ولمطت لبيت ودخلت لبيت نعاس نفس شي حتى هي ومشيت لكوزينة حتى هي ودربتها ليها بتجفيفة ومسحت جاج ديال دار كلها ومشيت لدوش جمعتو وحكيتو ايوا ماساليت حتى ل 2ديال ليل دخلت طحت كاو هههههههههههه
ايوا ودابامداربا غير مع لحوايج ولهدايا هههههههههه

فتي هههههه كان عليك تخليها حتى ترجعي هههههه حيت غادي تلقي الغبرة مدوبلة ههههه كنضحك معك