فن تنظيف وترتيب الدار : الكوزينة

تبارك الله على ام هاجر انا اليوم خويت واحد الماريو فالكوزينة مسحتو ورديتو والتلاجة حتى هي درت ليها حكيكة مزيان ورديت كلشي والميكرووند درت ديك الطريقة ديال الماء والخل ونظفتو مزيان ..وواحد الحمام حتى هو فركتو مزيان وخويت الماريو ديالو مسحتو ورديت كامل ولا الحمام كيشعل كي العروسةولكن انا مافيا مايتشاف مسخسخة على قولة هناء ههههههه

سلمى كي بقيتي اختي شوية الله يشافيك ويزيد فراحتك شكرا على هاد الافكار فالحقيقة كنحتاجوهوم فاضمة خلينا حنا نديرو كامل راه الكوزينة ديما ساكنين فيها واخا نقادو كلشي عاود نرجعو ليها ههههههه

تبرك الله عليك حبيبة رق كونجي مخصكش تسخسخ راح صحتك أهم حاجة والحمام باقي وصلنا ليه هههههه

ههههههه راح غادي ندخلو لموضوع أخور ويبقى حدة خاص بافكار لكوزينة هههههه راح غير لطيفة والبنات وقفونا وعطلونا حيت مراض وكونجى ججججج

السلام عليكم
أنا اليوم شنيت واحد الهجوم على الثلاجة خويتها كلها وعملت ليها حمام مغربي هههههههه وحتى الفريكو خويتو وغسلت ليها قشاوشها وعاود مسحتها بالخل الابيض ونشفتها ورجعت الاغراض لبلاصتهم صراحة خدات لي الوقت بزاف ولكن تهنيت منها وكنت قبل مانشرع في العمل خلطت الحنة مع القهوة في الليل غير فقت الصباح جمعت الدار وجدت الفطور فطرت وطليتها لراسي ههههههه من بعد ماساليت عملت حمام مغربي فاعل تارك
وخرجت نيو هههههههههههههههه

تبرك الله عليك لطوف هي نتي وتلاجة وليتو نيو ههههه


أنا شديت العطلة هههههه

فين وصلتو الحادكات انا باقي الحال على ماهو عليه الكوزينة مزال مدار ليها حل

فراشة توحشتي الكوزينة هههههه

أنا اليوم جمعت دار حيت هي يومين مادرت حتى حاجة هههههه


ومسحت تلاجة حيت باقي نقية إو جفيتها وتهنيت ونشرت لحوايج حيت اليوم سبحان لله خرجت شمس سخونة تقول ربيع ونة أنستغل الفرصة هههههه


يالله كملتنا من الكوزينة غادي ندوزو لحاجة خرى

مزيان بعدا ستغليتي شميشة يالاه دوزي