كانت عندي كمية كبيرة ديال البرقوق و ما اعرفتش اش ندير بيها لهذا اذلبت المساعدة من الاخوات باش يعطيوني فكرة و فنفس الوقت قلبت فالكوكل و غالبا مكانت الوصفات متشابهة جدا فالتجات لبعض الخبراء و هذا ما تم
بما ان الشمس قليلة و الجو دائما بارد الا نتذرا مكتكون الحرارة لي مكتعداش 21 درجة اخديت البرقوق الغليض لانه كان عندي 3 انواع اغسلتو و امسحتو و ادرتو فالفران على نار جد هادئة. بيني و بينكوم القضية شوية حامضة لانه عندي فران كهربائي و الفاتورة غادي تكون حتى هي حامضة.
المهم الخبير قال ادخليه للفران و اعمليه على حرارة قليلة مع ابقاء باب الفران مفتوح قليلا لمدة 6 ساعات و من بعد خرجيه يرتاح 6 ساعات ثم عاودي دخليه 6 ساعات مع الزيادة فالحرارة قليلا و هكدا حتى ييبس
تبعت الطريقة لكن من حسن الحظ اشرقت الشمس لمدة 5 ايام يا سلام
هكذا اعملت البرقوق الا 2 مرات فالفران و الباقي فالبلكون و غطيتو بالثوب لي هو عبارة عن ريدو خفيف للنافدة و النتيجة كانت جد ممتازة و شكرا لكل من ساعدني فهد الحصلة