كيفاش اختي الزهرة كتعلمي و لدك و لا بنتك يخدمك او بالأحرى يخدم نفسو

اح وطيتو على الجرح ههههههههههههه
انا صراحة باقي معرفت كيف نتعامل مع هاد البرهوشة هههههههههه دغيا تنتعصب ونغوت ولا نضرب اوا فكوها
مثلا لكوش حيدتو ليها شحال هادي ولكن فهاد البرد مع الدار عندنا باردة ولات تطلق بلا متحس وليت تنديرو ليها الا كنت عند شي حد اوا اليوم فاش كنت فالدار حيدتو ليها وقلت ليها عنداك تفزكي حوايجك ومشات كلسات تتفرج انا يلاه كلست وتنسمع تسسسسسسسسسسسس طلقاتهم فوق السداري ههههههههههه اوا مشيت ليها عطيتها علاش تدور ودرت ليها كوش اش ندير ؟؟؟؟؟؟؟؟؟؟

تبارك الله عليكم وعلى وليداتكم
انامع ولدي ياسين لحمدلله ملقيتش صعوبات معاه يعني تقريبا كلشي كيديرو راسو يحك سنانوبوحدو والى دخلنا لدار يحيد حوايج زنقة ويلبس حوايج دار الى حيدت ليه شي حوايج موسخين ليه ولا لخوه يديهم لمكينة ويتسخر ليا ويعاوني فدار الى بغيت نشر لحوايج يبدا يمدهم ليا الى كلينا وسالينا يهز طبسيلو وكاسو يديهم لكوزينة ويبدا يتسخر يحط طابلة الى تخوات ليه شي حجة فوق طبلة يجري يمسحها الله يحفضو ليا هوا وخوه ويحفضليكم وليداتكم

تبارك الله عليكم موضوع جد قيم
بالنسبه ليا حتى انا كنسخر ولدي ، كنعطيه الوح زبل حشاكم في لبوبيل ، طواليت دايرا ليه لكريسي لخاص بيه او شريت ليه لبو لي كيتحط فوق طواليت ، ولا كيمشي بوحدو ادير لكرسي او اقدي حاجتو او امسح او اكب لما ، ملي كنتبعو باش نعاونو ما تيبغيش ، او دابا ولا تيبغي البس حوايجو بوحدو ،
او حتى في دوش وليت دايرا معاه واحد لقديه كنت تفرجت فيها في تلفازه واحد طبيبه نفسانيه قالت ليك بحال متلا دابا في دوش حيت عندي انا ولد خاصني نعلمو بان العوره ديالو حشاكم تكون مستوره ، يعني كنعطيه لما في سطل او شومبوان او ندير ريدو او نبقا نقول ليه يلا دير بحال هكا دير بحال هكا او انا كنطل عليه ولكن بلا ما احس بيا هههههه من بعد تنعيط لباباه باش اكمل ليه ، باش احس بانه ما خاصش شي حد اشوف لعوره ديالو
الالعاب حتى هي كيجمعهم وخا بعض المرات ما تيبغيش ولكن ملي كنبدا نشجع فيه كيبدا اجمع

حاجه اخرى ملي كنبدا نشقا كنقول ليه اجي عاون ماما ، كيجي فرحان اجري ههههه اهز لمخدات اقادهم فوق سدادر ، ههه واخا ما تيقادهمش مزيان ولكن بعدا ههههه ،
او مع خوه الى طاحت ليه سكاته كيعطيها ليه ، كيتسخر ليا ملي نبغي نبدل لخوه
او علمتو اغسل سنانو ، درت ليه كرسي كيطلع ل لافابو او اغسل سنانو من بعد الاكل ، دابا ولات ضروريه عندو ع اياكل امشي اغسل اديه او سنانو او اجي فرحان اقول ليا شوفي سنيناتي زوينين ههههه
باقي ليا بيتو لي ماكيعرفش اصايبو ، ولكن غنبدا نحاول معاه ان شاء الله

اهم حاجه هي تشجيعات ، وخا ما اقادش مزيان شجعو طفل

او حاجه اخرى كنت سمعتها او طبقتها مع ولدي او جابت نتيجه ، متلا طفل ديالك غير منظم ما بغاش اقاد لكتوبا دياولو ، نتي ملي تكوني كالسا معاه تبداي تقولي عكس الصفات لي فيه ، متلا تقولي انا ولدي لعزيز منظم كيقاد كتوبتو بوحدو او كيطوي حويجاتو او كيدير او اكيدير ..... غ تلقايه بزربه طار اقاد كتوبتو ههههه
متلا ولدك كدب عليك او نتي عقتي بيه راه كدب ، غ تقولي لو صافي انا تيقتك لان ولدي انا ما تيكدبش عليا ، انا ولدي صادق او عارف بلي ربي تيشوفو او ما ابغيش ربي اغضب عليه ..... غ تسكتي هو بوحدو غ اقوليك لا اماما راني كدبت عليك او را الحقيقه هي هادي هههههه

نتمنى تكونو فهمتو قصدي هههه

تبارك الله عليكم و على وليداتكم مجهودات رائعة فدتوني بزااف

فاطمة مزيان ماشاء الله ولدك بحال بنتي تقريبا

انا باقا مامعلما بنتي تحك سنانها المعجون الا عطيتو ليها غ غتسرطو و نخاف نحط ليها كرسي
و الطواليط لي بقا تتخاف تكلس فيها كتبقا مسكينة شادا فيا و تبكي مكرهت داك بو لي كيلصق فكرسي الرومي اش كتسميو اه فاتي

ماجده بالنسبه للسنينات را كاين معجون خاص بالاطفال وخا تسرطو ماشي موشكيل ، را تانا كان اسرطو او دابا لا ، او كاين بعدة نكهات ، ليمون ، لفريز .....
اما لبو ولله ما عرفت سميتو راه كاين في المتاجر الكبرى ، لبراي ما بغاتش تخدم ليا اما نصورو ليك
هانا غ نقلب عليه في كوكل او نجيبو ليك ان شاء الله

تقريبا بحال هدا لي حطيت ليك صورتو ، سميتو

Pot, marchepied et siège WC 3 en 1

او معجون الاسنان بحال هدا

حتى انا عندي واحد المعكاز كيعصبني كيدير ليكنقوليه غير ببزز مللي كنتخاصم ونهز شي صندالة هههه عادا ينوض غير الله يهدي وصافي

حاولو ما امكن تخليو لعصا آخر حاجه
اول شيء التشجيعات ، دايما كلمة ( برافو عليك ) تكون في فمكم ، ملي كتقوليها ليه طفل تيبغي اجتاهد باش اسمع ديك الكلمه
انا را ولدي اكون في بيتو او امشي لطواليت بوحدو او .... بلا ما نشوفو انا او اجي هو اجري لعندي اقول ليا ماما درت هادي باش نقول ليه انا برافو عليك ههههه تيطير بالفرحا ملي تنقولها ليه
او حاجه اخرى هي التحفيزات ، يعني متلا ولدك عزيز عليه الشكلاط ، شري بواطه او خزنيها او ملي ادير شي حاجه زوينه عطيه وحيده ، ما تعطيهش ليه في كل وقت ولكن حتى ادير شي تصرف زوين عاد جبدي ليه وحدا ، باش احس انه دار مجهود باش استاهل الجائزه


انا دابا لموشكيل لي عندي ان ولدي ولات فيه ضسارات ملي جات جداه ، دري تقلب 180 درجه ، ولا فيه لعناد بزاف او لغوات ، ما تنبغيش نستعمل معاه اسلوب قاصي ولكن بعض المرات كيضطرني باش نعاملو هكاك او نتيجه ان جداه تتقلق
انا كنحاول نحفظو لقرآن او كنحكي ليه قصص لي فيها اخلاق حميده ، او كنلاحظ انو كيتصنت ليا ، ولكن بالمقابل داكشي لي كنزرعو فيه انا هي كتخربو ليا كامل ، فكتبدا تخدم لموسيقى او تعلمو شطيح او بدا اتعلم منها لمعيور او لهضره لخايبا ،او هاد الايام ولا كيضرب خوه ، ملي جيت نشوف لقيتها كتقول ليه اجي ندير ليك طحطح ، او ولا هو اجي عند خوه او اطبق داكشي لي كدير ليه جداه....
او هادشي معصبني بزاف
ما عرفتش كيفاش نتصرف
لي عندها شي نصيحه تنصحني بيها