اشكون اللي ناوية تخمل هاد الايام ...؟؟؟؟ نتعاونو مع بعض

السلام عليكم

اوا نرجعو للتخمال ديالنا هدينا واحد البريك بزز ههههههه

المهم راني دورت على الصالون كلو ومسحت الشراجم ....

دورت على السيجور تا هو وقاديت الحالة.. ومسحت الزجاج

قاديت البلاكارات

ووسمحت الحيوط

واخاخ هاد لاصباح بانت لي الدنياعاوتني تروانت مع الدراري الله يهديهم هههه بحال الا ما قاديت والو ههههه

الله يصوب


اوا وانتوم فين وصلتيو ؟؟؟؟؟

حبيبتي الله يحفظهوم ليك ويسخر فيهوم ..امين
ومزال مشفتي تروان الي على حقو ..تسناي ان شاء الله يكبرو بسلامتهوم ..وتفكريني هههههههههههههههههههههه

البنات فاين وصلتو مع تخمال العيد يالله فيدونا بتجاربكم
بالنسبة لي خملت الدار كاملة باقي لي غير شي ركينات حتى ماتكونش الخدمة عاد ندور بهم
اليوم وغدا عندي البلاكارات نخويهم وننقص منهوم شي حويجات للصدقة
الفوطات نطويهم ونكمل توجاد الحليوات دالعيد إن شاء الله
وانتم فاين وصلتو

معلومات مفيدة شكراً

السلام عيليكم وصباح الانوار عليكم وجمعة مباركة ان شاء الله


اوا رجعنا عاوتني ... كما تنقولو رجعات حليمة لعاتها القديمة ههه

اوا ها احنا غنبداو عاوتني ...
هاد الايام بغيت تا انا نخمل وندور شوية بالدار ...حالتها مسكينة مبيكت عليها اشحال هادي...


اوا وانتم فين وصلتيو واشكون اللي بدات واشكون اللي كملات ؟؟؟

تبارك الله عليكم
انا مازال مدرت حتى حاجة

السلام عليكم ورحمة الله البنات تبارك الله عليكم راني شفت غير هذ الصفحة
انا راني خملت بكري وساليت من وعت ضهري هههههههه
لانني الا كتب الله معنعيدش في داري عنمشي لدار اخرى ان شاء الله
هذ علاش خملت بكري باش الدار تبقا مهنياني نتضترب غير مع توجاد حوايج السفر
والحلوة راني خدامة فيها غير حلوة بسيطة هذا كيف تنقولو عيد اللحم خخخخخخ

تبرك الله عليكم


حتى أنا من نهار أرجعت ونة بحال السلحفاة ههههه كل نهار ندير قنت حتى أكان نكمل على خاطري ههههه البرح كملت بيت النعاس


إو باقي لواحد لبيت مسكين أي حاجة بانت لينا ندخلوها ليه قرب أبدى ارد حشاكم ههههه هز كتر من طاقتو

إلي درت شي حلوة العيد تحطها بش نستفدو

تبارك الله عليكم الغزالات
انا بديت تخمال وتقريبا ساليت بقالي غير نمسح جاج ولحلوة الى كتاب بغيت نبداها نهار التلاتاء انا واحد صاحبتي مغربية اتجي نتعاونو عليها
عواشركم مبروكة يارب