شكون تفيدني امهات المنتدى سؤال عاجل الله يحفضكم

شكون تفيدني امهات المنتدى سؤال عاجل الله يحفضكم

السلام عليكم ورحمة الله تعالى وبركااته

مكرهتش تفيدوني بتجربتكم فالرضاعة

او بالاحرى اش الممنوع الاكل ديالو فالرضاعة

تشهيت السويهلة كليتها وعملت صوبة فيها المكور منعاودش ليكم على بنتي كرشها جاارية وتتوجع

صديقة عزيزة على قلبي نصحاتني ناكل كلشي باش تولف وحتى الطبيب ديال صديقة اخرى نصحها فولدها بنفس الشيء واش منخافش عليها ونبقى ناكل كلشي او نحبس من الخضر والفواكه الموسمية لانها الاكتر ضرر عليها

فانتضار ردكم عارفاكم متبخلوش عليا

شكرا مسبقا

الموضوع الأصلي: شكون تفيدني امهات المنتدى سؤال عاجل الله يحفضكم || الكاتب: الهام || المصدر: منتديات ورود مغربية

http://www.woroudmaghribia.com/vb

كلمات البحث

منتديات نسائية, اسلاميه، زهرات البستان ، المطبخ العربي ، حواء ، الفراشات

المصدر: منتديات ورود مغربية - من قسم: صحة طفلك

---

a;,k jtd]kd hlihj hglkj]n schg uh[g hggi dptq;l

كنتمنى الزهرات يفيدوك ...
اميمتك شارفة ونسات الولدة والرضاعة ههههههههههههههههههههههههه

اقتباس   [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] المشاركة الأصلية كتبت بواسطة ام الشهيد مروان كنتمنى الزهرات يفيدوك ... اميمتك شارفة ونسات الولدة والرضاعة ههههههههههههههههههههههههه

هههههههههههههه ضحكتيني راه كتعقديني بديك كلمة شارفة اميي كبر منك كنضن بشي 3 سنين

ممعتارفاش بالسن كتقوليك حدني عايشة الا وراني باقة صغيرة

الشباب شباب القلب امي واختي العزيزة

مرورك فرحني ان شاء الله يفيدوني باقي الزهرات

طيب يا جميل ..هناك بعض الخضر والفواكه من الافضل تتفاديهم خصوصا الملفوف في هاد الفترة ...

هو فعلا مزيان الواحد ياكل كلشي باش يولف ولكن بحال هدا بالظبط من الاحسن تتفاديه حيت تيعمل ليهم غير ليكاز ....

الخضر العادية كلي قدما بغيتي ولكن فعلا الفواكه الموسمية حاولي تاكلي فيها غير القياس .. وربي يحفظ ليك بنوتك يارب

انا نقول ليك انطلاقا من تجريبتي المتواضعة هه
كولشي كنت تناكلو من غير الحجر ههههههههههه
اه كانو تايقولو ليا هادي واعرة هادي ممزياناش ولكن من الاول كليت كولشي مع المدة كرشها تعودات على كولشي

الهام السويهلة ماشي مزيانة راه صعيبة راه كتعمل لترابى الوجع والسخفة
كايقولو ليها في البلاد الشم وعاد باقى بنتك معملتيلها التلقيح ديالها حاولى من الفواكه الموسمية والملفوف كايعمل الغز حتى تعمل 6اشهر وكولى اللى بغيتى دابا باقا متقدرشي تستوعب الكرش ديالها وحتى صحتها العدس مزيانة ولكن كتعمل الوجع للبيبى حاول تاكلها مسلوقة سلطة غير قللى منها وصافى
الى تفكرت شي حاجة نقولهالك

إلهام بنتك مازال صغيرة حاولي أنك تفداي أي خضر وفواكه فيهم الكاز فحال الملفوف صعيب عليها والبصل والليمون والفواكه الموسمية فحال الدلاح والسويهلة أما الفواكه لي كتكون على طول العام فحال التفاح والبنان ما تخفايش منهم
أنا بنتي الصغيرة دوزاتها علي ملي تزادت كان فيها لكاز والطبيبة نصحتني نتفادى أي حاجة فيها الكاز أنا كنت إلى كليت شي حاجة فيها البصلة بنتي ما كتنعس الليل كلو وباقة عاقلة راجلي تصل بلكلنيك مع 3 د الليل وحكى لطبيبة أن البنت كتبكي وتوجع وقالت لو واش ماماها كلات شي حاجة فيها البصلة وفعلا داك النهار كليتها بزايد ومنعتها علي بالكل هي والليمون والمكور
المهم أي حاجة عرفتيها كتنفخ المصران عرفي راه غدوز لبنتك إذن حاولي عليها راه مازال صغيرة ولما غتعمل 3 شهور داتها غتعود تلقائيا

ربي يخليها لك اختي
انا بحال جميع الأمهات كنت تناكل كولشي باش الوليدات يولفو
ولكن نصيحة ملي تاكلي شي حاجة فيها الغازات تبعيها دائما بكاس ديال النافع راه تيحيد الغازات
وعطيه حتى لبنتك راه صحي

	السلام عليكم اختي اي حاجة كليتيها بنتك الله يحفظها ماش تاكلها فهاد الفترة بالدات خاصها تكون عندك فترة نقاهة يعني تقللي من العطرية الحار و الحامض ممنوع الفواكه لي فيها العظم و السويهلة البطيخ الدلاح العنب ممنوعة الخضر لي فيها الغازات ممنوعة النهار لي تشوفي بنتك فيها الحريق و كتبكي سجلي فدفتر اش كليتي داك النهار و كدلك 2 ديال النهارات من قبل لان بعض الاطفال كيتزادو بحساسية معينة و ما كننتبهولهاش ثم نوصيك الملابس ديالها ما يتخلطوش مع الملابس ديالكوم فالتصبين و صبني الملابس ديالها بصابون خاص للاطفال و يتمرح مزيان في الماء و الله يسخر

الهام الله يخليها ليك هي واكرام
كنضن بان الزهرات الغزلات تبارك الله عليهم فادوك بلى منعيد نفس الهضرة
والسويهلة صعيبة شوية كاينين لي كبار وكضرهم