تجمع ويدات ملكات في التدبير المطبخي

السلام عليكم

البنات فين وصلتو

حتى انا كنعمل بعض الاشياء لي كتدخل فالتدبير المنزلي

مثلا الخبز منين كيشيط لي و غالبا الخبز كيشيط منين كنكون فالمغرب منين كنشغل الفران و نقاضي كنضفي الفران و نخلي الطريفات ديال الخبز يتحمرو غير على السخونية ديال الفران
و من بعد كنطحنو و نزيد عليه ازير الابزار القليل من كمور الخضروات و نديرو فقنينة او طاسة و نقلي بيه الحوت او استيك بيبي او ما شابه

ثم الدجاج يلا شاط او اللحم كنحمرو و نزيد عليه لوازم بسطيلة و ندير بسيطلات صغار او بريوات او قنينطات و كيتنكل فاسرع الاوقات

كذلك سلطة الخضروات انا كنقدم الخضروات او اي شيئ من الاطعمة فطبق كبير و من بعد كل واحد ياخد على حسب ما يقدر عليه و هكدا لي كيشيط من الخضروات كيكون سليم و نقدر نعيد الاستعمال

ديالو اما فالصوبة او بريوات

الزيتون الحامض كيكون عندي بكثرة و كيجي وقت كيبقى يهرى مكنرميهش كنزول ليه العظان و نديرو فخنيشات فالكونجلطور و كنبقى نطيب بيه عوض الليمون بحال الدجاج المقلي مثلا

يلا اشريت الورقة ديال بسطيلة و مستعملتهاش فالحين كتبقى كتكسر لهذا كنقطعها سويرات اما نحمرها و نطحنها و نستعملها للقلي او ندير بيها شهيوات لي كيطلبو الورقة مقطعة سويرات

الكومير يلا كتنكلش كنقطعو دوائر و نغطسو فالبيض و ندهن المقلة بالزيت و نديرو فيها و كيجي لذيذ و كينتكل بسرعة

هذ اليوماين استعملت بزاف فرماج فالخلاط و منين كيكحن و يولي كريمة كماخد الكريمة لكم الخلاط كيبقى مع الجوانب كمية لا باس بيها من الفرماج لي متطحنش

هنا كنت استعملت الكيك المملح و بقات جوانب الخلاط بيها الفرماج لهذا اخويت فيه القليل من الماء و كان باقي لي الزيتون الاخضر اطحنتو و ضفتو و ضفت فرينة و درت شكيلات من الخبز لي يمكن لي

نقدمو للفطور او اوقات الاستراحة الاطفال و استراحة الكبار

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

ثم كنت استعملت طورطة تشيز كيك بالفرماج و كذلك بقاو جوانب الخلاط مطلية بالفرماج فلدلفيا فقمت بنفس العملية الاولى الا ان هد المرة بما ان خليط تشيز كيك كان حلو

ضفت فالخلاط الماء و الملح و الزنجلان و النافع و السكر فقط و الماء و فرينة و اجمعت المكونات و درت اقريشلات و جاو غزلان من غير المتوقع

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

يمكن اخرجت على صلب الموضوع لكن حاولت نبقى فطريق التدبير المنزلي ما امكن

.