تبارك الله عليك كريمة تقريبا كيفحال حتى انا
لمهم كنتعلم قبل بلعراضة وكناخد ورقة وستيلو نكتب اشنو غدي ندير ونشوف اشنو لي ناقصني نتقضاه لمهم سيمانا قبل نوجد لحلوة وداكشي ديال لكوتي بيتزات صغار وليشوصون ومسيمنات وندير فلكونجيلاتور ونخمل دار مزيان وليلة ديال لعراضة نوجد لخضرة لشلاضة ونديرها فبواطات حتى لغد ليه ونمونطيها ونشرمل دجاج ونبيتو فتشرميلتو والى كنت غدي ندير بسطيلة نوجدها ويبقالي غير تلماط ديالها نوجد صينية ديال اتاي ونوجد لبلاطو ديال لحلوا ونوجد طباسل لي غدي نحتاج هما ولكيسان ديال لموناضا ولما لمهم كولشي يكون واجد
نهار ديال لعرضة نفيق بكري شوية نلمط لبسطيلة وندير دجاج يطيب ونمشي لصالون ندوز عليها بمسيحة بزيت عطري للعود ونرش لفراش بمعطر ديال لحوايج ونمشي لحمام نضور بيه حتى هوا نرش لفوطات بريحة كنديرها خاصة للحمام ولفاط ونمسح لرض ونمشي لكوزينة نمونطي شلاضة ونحيد دجاج نديرو فلاطة للفران وندهنو بزبدة ونخليه على جنب نغسل لماعن نوجد ديسير ونستفو مزيان ايوا ونجفف لكوزينة وهاني ساليت ونمشي نبدل عليا ونعطر دار بشمع مع زيوت لمعطرة وهاكا مكتبقاش ريحت لماكلة فدار