السلام عليكم.....أنا ياله بان لي هاد الموضوع
أنا موظفة ...عندي 3 مراحل في هاد الشان
المرحلة1 :.مللي كانوو ولادي صغار (ولاد لغيال بيناتهم 1عام ) كنت نوض بكري نفطرهم ونغسل ليهم ونلبسهم ...ونديهم أنا و راجلي لعكوزتي نخليهم ليها ونجي عندهم مع 12نتغدا و نشووف ولادي إلى خاصهم شي حاجة ومع 3 نرجع للخدمة و في لعشيا نجي عندهم ونتسنا حتى يجي راجلي نهز ولادي و إلى كان شي خبيزا سخونة وما يتكال من عند عكوزتي الله يخلف عليها ...و نمشي لدار وفي ليل كنت نصبن حوايج دراري لي ضرورين اما تصبين كامل حتى اخر الأسبوع .......
المرحلة 2: ميللي تزادو بناتي التوام ...ها حنا ولينا في 4 دراري هههههه ...المهم لفياق بكري دايما ...نطيب لفطوور و لغدا في نفس الوقت ....لولاد نهبطهم لترانسبوور يمشيو للمدرسة ولبنوتات نديهم إما أنا إما راجلي لدار عكوزتي يبقاو حتى لعشيه و نجيبهم ...وفي 12كنجي نسخن لدراري غداهم نتغداو ...يهبطو ليترانسبوور ...و أنا ندوور شويا بدار ونمشي مع للخدمة مع 3
المرحلة3 :دابا كبرت العصابة هههههههه ....باقي لفياق بكري دايما مع 6....لفطوور ولغدا يطيبو في نفس الوقت ...نفيق دراري ....لي فاق يقاد فراشو و يطوي غطاه ...يفطروو و يمشيو لمدارسهم ....في وقت لغدا يجيو يتغداو واخا ماكانكوونش معهم ياكلو والبنوتات يجمعوو الطبلة ويدوزو تشطيبا
معهم ...ويمشيو يقراو .....ميللي نجي أنا نرتاح شوية ونوض إما نطوي حوايج أو نعمر ماكينة الصابون أو نغسل لماعن وبعض المرات البنوتات كا يغسلوهم .......هادشي كلوو وكا تجي واحد السيدة عندي مرات في سمانة كا تعاوني ...تخمل و تسيق
هادي هي قصتي مع الوظيفة و البيت و الدراري ....الله يكون عوين للموظفات