يالاه البنات اخر الشهر هذا وغادي يدخل اخر شهر في السنة كاين شي تذبير ولا والو غير التبدير انا ان شاء الله غادي نحاول نقاد ميزانيتي ثاني راه اصيبت بالشلل من الصيف وحنا مرونين غادي نحاول نفاد اموري ثاني و نجمع شوية على فكرة الصندوقة لي كنت دايرة من داك العام حليتها فعيد الاضحى ولقيت فيها 3000 درهم مبلغ محترم ودرت عاود صندوقة اخرى كنحط فيها شهريا 100 درهم وكل مرة كنحط فيها 10 ولا 20 او اكثر على فكرة هاد صندوقة درتها ل 10 دراهم فما فوق حيث الدراهم كيعمروها دغيا وكيحساب لينا معرفتش كاع شحال جمعنا فيها اما دراهم و10 ريال كنحطهم فواحد شبيكة فالكوزينة مرة مرة كنجمعهم الا فيهم 10 دراهم ولا 20
المهم يوم الاحد 1 في الشهر ان شاء الله الاثنين نتقدا لي خاصني باقيا عندي التقدية من هاد الشهر حيث جيت لداري غير فالاخير منو وتقديت المهم غادي نشوف لي خصني نشريه و نكول ليكم اشنو شريت ان شاء الله