صباح الخير على احلى مدبرات
تبارك الله على البنات كاملات يالله زيدو ماتخافوش من التدبير راه بالتعود وضبط النفس غادي نوصلو للهدف
آه على ذكر الهدف ،باش نعرفو نقتصدو خاصنا ندير هدف قدامنا بغينا نحققوه كل وحدة والهدف المنشود ديالو
مثلا
فراش الدار-شراء سيارة -حج -عمرة -ضبط ميزانية الشهر-توفير قدر من المال
وغيرها من الأهداف

إذا من أول الشهر غادي نديرو حملة فالدار نجيبو وريقة واستيلو واراك للتقياد
المدخول يساوي.........
المصاريف الثابتة تساوي .........
المصاريف اليومية .........
اللبس .........
الأدوية تساوي........

ونحط المصاريف كاملة ونحاول نضبطو
وبطبيعة الحال ماننساوش من هاد كولو أول بند من القائمة اللي هو من الثوابن مزيان
الصدقة صدق رسول الله صلى الله عليه وسلم
مانقص مال من صدقة
سواء قليلة ولا كثيرة كلها على حسب مقدورو

وديك المانضة ماشي نشدوها ونفروقوها كلها ونبقاو ندورو فعويناتنا
لا
غادي نقصو واحد الطريف ننساوه ونديروه ماداخلش فالحساب ومع المدة غادي نقدرو نحققو الهدف ديالنا
وللموضوع بقية