انا ولدي الصغير مكيركزش مزيان و غير التلفزيون
هادي عاماين تقريبا احذفت التلفزة من الدار لاني انا اصلا مكنتفرجش فالتلفزيون لان مافيه ما يعجب
التلفزيون كان عندي فالمطبخ لهدا منين كنا كنقاضيو بالاكل كولشي كيخرج و فالليل كلها يمشي لبيتو
الان التلفزة عندي بيت مستقل نقدرو نقولو عليه مكتب الوزير و فيه التلفزة لانه كيبغي يشوف الكورة و البرامج الثقافية
خلال الاجتماعات مع المدرسات ديال ولدي اخبرتهوم انني امنعت التلفزة من الدار هد الخبر اعطى ارتياح كبير للاساتدة ديالو و قالو لي فكرة جيدة و مفيدة
الان ولدي بدا كيلتجا للرسم للعب باللعب لي معمرني شفتو كيلعب بشي لعبة و حتى الاستاذات ديالو لاحظو تحسن
حاجة وحدة كانت عجباني فالتلفزة و هي مسلسلات كرطونية للاطفال باللغة العربية و كان ولدي تقريبا كيهظر الا باللغة العربية الان ولا للهجة ديالنا و لكن ترصا و ترزن