بسم الله الرحمن الرحيم:
بالنسبة ليا ملي كنكون عارفة غادي يجي عندي شي ضيف من قبل كنوجد دابا كنهضر على الضيف لي غادي يجي يتعشا ولا يتغدا المهم قبل داك النهار كنهز ورقة وستيلو ونكتب اشنو غادي ندير مثلا السلطات اشنو غادي يكون فيهم الطبق الرئيسي اشنو واكثريا كيكونو 2 اطباق هادي معروفة عندنا حنا لمغاربة ملي يبغي يجي عندنا شي حد ما نعرفو مانديرو كنبقاو غير نعرمو المهم وكندوز لدسير كنحدد اشنو غادي ندير فيه
من بعد كنهز ورقة اخرى ونبقا نقيد داكشي لي خاصني نشري وكنشوف اولا اشنو كاين عندي فالدار انا مكنبغيش حتى نكون كنوجد فالعراضة عاد تخصني شي حاجة ونبقا سير جيب
كنتقدا داكشي لي خاصني قبل بنهار الا كانت العراضة فالغداء بالليل كنمسح الغبرة و نجمع الصالون لي غادي يكلسو فيه الضياف ونعطر لفراش بالمعطر ديالو ونسدو كنوض مع 6 ديال الصباح كنبدا نوجد الغداء وبشوية عليا حيث الزربة كيبقا لواحد يعيا نفسيا وجسديا والا كانت لعراضة فالعشاء كنفيق مع 8:30 وكندير الغداء ونبدا نوجد للعشاء من الصباح باش يبقا لي الوقت ديال الفينيسيون ومانكونش مدعوقة
المهم هادشي دابا لي تفكرت حتى نرجع ثاني