السلام عليكم و رحمة الله و بركاته
أخواتي الكريمات إليكن بعض الوصفات المجربة و الفعالة في حالة إيلا ولدك ضربو البرد ساهلة و تخليك تنقصي من كثرة السيروات
الوصفة الأولى تعطى للرضع و الأطفال
* خودي لفتة بيضاء قطعيها دوائر رقيقة رشي عليها سنيدة
ديريها فبواطة و خليها ليلة كاملة فالثلاجة
فالصباح غتلقاي اللفت طلق السيرو
هاد السيرو اعطيه لولدك أو بنتك على طول النهار
و فالليل عاودي صايبي سيرو آخر
كيخوى ليه السدر من البلغم
الوصفة الثانية
بصلة صغيرة محكوكة نصفيوها ناخدوا الما نزيدوا عليه شوية العسل و نعطيوه لولد على الريق و قبل النوم
مع مرعاة نحكو بصلة صغيرة في كل استعمال لأن البصلة كتأكسد
الوصفة الثالثة
نص كاس العسل
ضريسات الثومة مقطعة دوائر
نخلطوهم فقرعة معقمة و محكمة الإعلاق
نحتفظوا بيها فالثلاجة 24 ساعة
عاد نستعملوا الوصفة
معيلقة صغيرة 3 مرات في اليوم
للإشارة الوليدات قل من عام منكتروش ليهوم العسل الحر
ربي يحفظ جميع الوليدات
ودمتن سالمات
.
Z ,wthj vhhhzum g,gd]hj hggd qvfil hgfv]