فاضمة اللى فيك مهناك ههههههههههههههههههههههههه
المهم انا نقول لى كنعمل بحال لى كايعملو الناس كلهوم
هههههه
نظفو الدار وكنوجد الصخرة لى بغيت الى كانت العراضة كبيرة كنتقضى قبل باسبوع باش انا كنوجد الى تفكرت شي حاجة كنخليها لوقتها
الى كانت عراضة نهار كله زعمة غدا وعشية وعشا
كنوجد المملحات والحلوى باسبوع نعمل غير شوية من الحاجة باش منتعبشي مثلا كنعمل قياس جوج طباسل من الحاجة
وكايبقى المقبلات كنوجدهوم بنهار قبل العراضة والى كانت بسطيلة كنعمل التعميرة بنهار قبل سواء الحوت او الدجاج
الى كان دجاج كنشرملو ونخليه يبات لحم كنطيبو بنهارو
الى كان كوكلى الاكثرية كنعدلو ونعمرو قبل بنهار ونعملو يتبخار
ونخليه واقف غير على الفران ملى يقرب الوقت كندهنو ونحطو للفرن
السلاطات كنوجدهوم بنهار قبل حتى هوما وكنعمل كل حاجة فبواطة ونحط في الثلاجة
وحتى الصلصة كنوجدها ونخليها باش نسقى السلطة
نهار العراضة الى كانت الغدا كنوض عادى توقيتى الدائم كندوز جفاف خفيف حيث كتكون الدار نقية وكنعطرها بزيوت انا كنفضل الزيوت العطرية
وكندمسح البولات حتى هوما بزيت عطرى مجهد او بارفان باش كايبقى فيهوم وملى كنشهعل الضو كايسخنو ويطلقو الريحة زوينة
بلا مايعقو الضياف هههههههههههههههههه
ملى كنكون ندوز على الغبرة كنعمل طنجرة فيها ماء والحامض والقرفة يغلى باش تغطى على ريحة الطياب ونصفى ديك الما وندوز به تجفيفة واخر لحظات نعمل الشميعات بالزيوت العطرية