كانت لقرايا بالنية و الحاجة مقضية
ما كان فيزياء و لا علوم طبيعية
لا كرسي لا طاولة خشبية
كانت غير لحصيرة السمارية
كان لحيا و تربية الدراري إسلامية
كان كتاب الله زين السمية
ؤ الفقيه داك الراجل الدياني بولحية
كانت قيمتو فالدوار قداش عالية
ؤ كلامو يخوف كي العافية
ؤ يا ويلو اللي ما رضا بالقسمية
العصا اللي فيدو كافية
القرآن الكريم يتحفظ غير بالسمعية
ؤ اللوحة الخشبية
حروفها كحلة صمغية
إيييييييييييه الكتبة غير بمادة طبيعية
صوت الصبيان متعالية
بآيات الله القرانية
كانت اللوحة مكتوبة بالصمغ
ؤ المجتهد هو اللي يمحي اللوحة فالصبحية
يفرح بيه لفقيه قد حقو فالدنيا
ؤ شوف فالصورة البالية
الفقيه حداه الخابية
ؤ اللواح معلقة باهية
ؤ غير لباس لوليدات البلدية
تعطيك الحجِّية
التشامير و الضراعية
ؤ جلالب الحبة الصوفية
hggi ugn hdhl .lhk ,pgh,jih>>>