ماشاء الله على الوريدات وتويولاتهوم ..
ان شاء الله نسالي الاصلاح ونوريكوم المطبخ والحمام والفوق بالحق راه غير على قد الحال ومزالين قورع مساكن ههههههههههههه

لبنات الحمام ديالي فاكادير ملي صلحتو درتو كبير وخليت واحد المساحة غادي ندير فيها هذا

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]
اشنو رأييكم فيه

كريمة مكرهنا تصوري حتى الحمام وبالاكسيسوارات هههههههههههه
منولة حتى انا كيعجبني بحال هداك النوع وفي البرد كيجيو سخونين ولكن معرفت واش عنهم سلبيات
واقيلا لطيفة عندها بحالو بلاتي تدخل تفيدك والله اسخر

داكشي لي بغيت نعرف واش عندو سلبيات هو فعلا ناس كيشكروه بزاف كيكوليك فيه البخار وكيسخن مزيال .........

تبارك الله على للا فاضمة اييه الحمام اهم شي يكون نقييي ومعطر ..البنات وريوني صورة ديال داك كوتا كوت باش الى لقيتو هنا نشريه ..انا عندي واحد البرودوي ديال الحمام كنمسحو بيه كيخلي الريحة زوينة ومرات حتى نسالي كندوز مسيحة بمعطر ديال الملابس فالماكينة حتى هو كيخلي الريحة غزالة وكنشري الروايح رخاص خاصة وحدة ديال الفاني كتعجبني وكنرشها فيه واي ريحة رخيصة عجباتني ريحتها كنجيبها ونرشها فالحمام والدار كاملة مابقيتش كنشري معطرات الجو حينت سمعت بالاضرار ديالهوم

تبارك الله عليك فاضمة وعلى مواضيعك
حتى انا فاش كنت هاد المرة فالمغرب جبت معيا كوتاكوت ريحتو غزالة

انا مكيعجبنيش المعطر لي كيترش او كيتجفف بيه لانني مكنعرفش المخاطر ديالوو يقدر يدخل عندك شي حد عندو حساسية او الربو او تكون عندو الحساسية فقط فذيك اللحظة اما لي عندو الاطفال الصغار مازال ما تعداوش 7 سنوات فمن الاحسن تجنب عملية رش المعطر او استعمال البخار المعطر او الزيوتات المعطرة

لي كيمكن لي نستعملو و ماشي باستمرار هو منسم الجو يعني كيكون على شكل قنينة و فيها المحلول المعطر كتنفس القرعة قليلا و تحطها جانبا و كتبقى كتعطي الرائحة الزكية بلا مترشي

او كيكون على مجموعة من ورقات الورد و هذا جد جميل و زوين و كيعطي رائحة جميلة

او على شكل شماعة رائحتها زكية بلا متشعليها

او على شكل قطعة خشب كتعلقيها فالحمام و رائحتها كتبقى على مدار السنة

او على شكل ليمونة من خشب و كتبقى الرائحة ديالها جميلة على مدار السنة يكفي تحطيها فشي قنت و ها المرحاض او الحمام معطر

و خصوصا الناس لي عندهوم الاطفال الصغار او ما يقدروش يتحكمو فالحمام ديالهوم او الطواليط ديالهوم لسبب من الاسباب اوكيجيوهوم الضياف لي مكيحشموش كيديرو روينة فالحمام منين كيشوفو الزواق و القريعات و الديكورات صافي العاصفة دازت من تم لهذا حاجة وحدة طبيعية و ما تبانش على انها معطر و فين ما حطيتيها تبقى و تكون صغيرة فالحجم

خاصك تصوريه من الداخل باش يبان لان الراحة ديال الحمام مهمة بزاف

عندي واحدتقريبا بحالو هو غير دوش و منين كنمشي عطلة لكن ما صبتش فيه راحتي و ليت كنستعمل الحمام العادي و كنشعر فيه بالراحة يعني ما عنديش فيه قيود

كذلك النظافة ديالو شوي صعيبة و خصوصا منين كتدخل الاوساخ مع الجوانب

انت تقدري تغسليه منين تقاضي منو اما الاطفال و الزوج اهو مكاينش لي يبغي يوسخ راصو منين يدوش

اذا غادي تزيدي عليك مسؤولية اكثر فالمنزل

بطبيعة الحال هذه الا وجهة نظري انا لكن كلها و شهوتو وعلاش قاد انا شخصيا ما قداش على التنظيف

و الاهم من هذا يلا كنت مصممة تعملي بحال هذ الحمام خاصك تعرفي انه ضروري و مؤكد يكون كيخدم بالكهرياء و ليس بالغاز و الا فان الخطر محقق نظرا لنقص الاكسجين في مثل هذ الحمامات و تسرب رائحة الغاز

اللهم يسر

و غير بشوي عليك

البنات نصيحة متبقاوش تستعملو الزيوت المعطرة و لا الروائح المعطرة و لا الند و لا البخور لان مثل هد الاشياء كتكون خطر على جسم الانسان و خصوصا الاطفال الصغار

كاين لي غادي يقول لي انا كنستعملهوم من زمان و ما وقع لي والو و لكن بعض الامراض مكتبانش فالاول و منين كتبان كتصبح مزمنة


انا كنفضل و لو تعطوني نصائح للريحة الطيبة بالمنزل من المواد الطبيعية بحال نحطو شوية او صريرات ديال الخزامة فالركينات او صريرات ديال القرنفل فاماكن معينة او ناخدو برتقالة و

نتكوها بالقرنفل كولها ونعلقوها و عدة اشياء و الطبيعة مكتبخلش علينا باشياء طبيعية و نقية من الشوائب غير خاصنا نبحثو