تصفية حسابات مع الثلاجة
السلام عليكم
اليوم حليت الثلاجة و صبت كل حاجة منها جوج او ثلاثة لهذا قررت نخويها باش تغسل مزيان باش تستقبل النفقة لي غادي تجي المهم صبت 3 خيزو 3 ديال البطاطا 1 مطيشة وحدة الزيتون الحامض القسبور بصلة هذ العناصر زدت عليها نصف دجاجة مزول لها الجلدة و الليمون مصير و درت كولشي فطنجرة و عليهاكاس ديال الماء كبير و من الفوق العطرية و خليت النار مهيلة و منين وجدت درت عليها الزيت البلدية و من بعد تغدينا بيها و امريضنا ما عندو باس و الله يدومها علينا نعمة و يحفظها من الزوال [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] " |
ههههه شفت تصفيات حسابات تصحبلي دبزتي مع شي حد ههههه
بصحتكم أحسن حاجة فش كتقضي بلي موجود كيطلع ألد ههههه |
اقتباس:
هههههههههههه تصفية حسابات مع الثلاجة |
هههه حتى أنا شفت تصفية حسابات تخلعت :111:
تبارك الله عليك :2-125: حتى أنا كنديرها بعض لمرات في آخر الأسبوع وراجلي كايعجبو و كا يقول لي صافي واش ليوم لفينال ههههه ولكن دراري ماكايعجبهم الحال غير يشوفو خضرة منوعة يكحلو بلعمى :dهههههه |
ايه عندك الحق الدراري مكيعجبهومش الحماق و خا فيه المذاق
لكن انا ولادي يلا ما كلاوهش كنقول ليهوم شكرا اوليداتي كتقتاصدو على ما ماكوم كيقولو لي كيفاش؟؟؟ هههه كنقول ليهوم هذ الغداء ان شاء الله للعشاء و يلا م تنكلش فالعشاء يبقى للغد ان شاء الله او اجي تشوفي المخير فيهوم كيدير كاس ديال الماء حداه لقمة و جغمة |
ههههههههههههههههههههه
عبرتي عليهم والله اعطيك الصحة |
تبارك الله عليك والله يعطيك الصحة حتى انا فاش كتبدا تلاجة تخوا كندير ليها هكا
|
ههههه غصون كسحابلي دابزتي مع شي شعكوكة ونتينا مضاربة مع تلاجة معندي منساليك وعملتي طويجين صحي
|
تبارك الله عليك تصفية حسابات بحق وحقيقي وهادي حتى طريقة اقتصادية الواحد يقضي بالموجود وتتجي الماكلة بنينة بالخضرة مخلطة |
هي كلشي تخلع ملي شاف تصفية حسابات ...ههه
اوا يا لا لا بصحتكم الطوجين وتا تصفية الحسابات |
الساعة الآن 12:57. |
Powered by vBulletin® Version 3.8.8
Copyright ©2000 - 2024, vBulletin Solutions, Inc. Trans by