|
اجيو حبيباتي نطلعو على تقاليد وعادات كل مدينة في تحياء طقوس عاشوراء
السلام عليكم حبيبات قلبي يا وعطرات ..وسنة سعيدة ان شاء الله تدخل على كل وريدة باش ما تمنات ان شاء الله وبتقبل كل الطاعات وكل سنة واحلى وريدات من الله اقرب امبن..
حبيباتي..اليوم بغيت نتشاركو كلنا طقوس الاحتفال بعاشوراء ..ويكون ان شاء الله تفاعل ..وتقول لينا كل وريدات تقاليد منطقتها باش نطلعو على موروث كل منطقة ويكون عندنا المام بتقاليد جل مناطق مغربنا الحبيب.. يا الله حبيباتي نبغي تفاعل ونبغي كل وريدة تكون سفيرة مدينتها وتنقل لينا موروثها بادق التفاصيل وشكرا:new: |
كيقولو احتفال عاش راء حرام انا ملي كنت صغيرة كنا كنحتافلو ومكناشي عارفين كنتجمعو عند جداتي وماما ونساء ديال عمومي كيطيبو كل وحدة شنو كتدي معاها الماكلة ونتعاشاو عند جدتي ونديو الفاكية وملي توفات جدتي توقف دكشي
وعاد كانت معروفة طنجة بعاشوراء كيعملو بحال معرض لي بغيتي فيه القشوع الحلاوي المهم من اي ناحية تلقاه تما وكان كيبقي شهر دابا حيدو دكشي نعائيا ودابا ملي زوجت عرفت انهو مخصناشي نحتافلو وزيد انا مكنحتافلشي بيه كنصوم الله يتقبل صافي |
انا مكاندير والو في داري من غير صيام التاسع والعاشر
اليوم كنت في السوق شفت الطعارج والبنادر والالعاب هههههههههه |
موضوع جميل كصاحبته .... لي عودة ان شاء الله
|
ربي يخليك لالة ام العبابيد وربي يحفظك يا عسل انت يا جميل
|
ملي كنا صغار كنا كنكحلو عنينا ونتفركسو بشي قفطان ونشريو الطعارج وبنادر ونبقاو نطبلو ونغنيو هههههههه هذا عشور معلينا الحكام الالة عيد الملود كيحكمو الرجال الالة ههههه
فكرتنوني في اللذي مضى هههههههه |
وخا الموضوع مراقكومش ومكاين تفاعل ..غادي ندلي بدلوي ونحاول نعرفكوم حبيباتي يتقاليد مدينتي مكناسة الزيتون ..
من اول مكيدخل شهر محرم..كيبداو الباعة في كل مكان كيبيعو العاب الاطفال اشكال وانواع وباثمنة مختلفة ..كدا بعض الدكاكين كيعملو الطعارج والبنادر والتربوكات وكل انواع الايقاع المغربي ..كما كتتروج الفاكية والتمر بشكل غريب ..وخا كتكون فيها انواع دخيلة على الفواكه الجافة ..كدا تجارت الطبوقة الي مصنوعين من الدوم والي كتتحط فيهوم الفاكية حفاظا على موروثنا الشعبي ولاعطاء المناسية طقس اصيلي تقليدي محظ.. نهارالتاسع من الشهر تقريبا كل الاسر المغربية كدير الكسكس بالقذيد وديالة الخروف وسبع خظاري وكيجتمعو العائلة ويشاركو وجبة العشاء ..من بعد كتتقدم الفاكية في الكبق وتتفرق بالزلافة وللاشارة كيكون وسطها اسورة فضبة او خاتم والي حصل عليها كيتعتبر فال خير وبشرى سنة سعيدة ..كتتقدم الفاكية مع كؤوس الشاي وكل العائلة او الاسرة فرحانة.. بينما في الاحياء الشعبية الي انا من ساكنتها ..طول العشر ايام والاطفال كيلعبو لعبهم فرحانين والفتيات بالبنادر والطعارج وفي الليل كيدورو العزارى بما يسمى الجميلة ..وهي على شكل جمل مصنوع بيد الشبان والعنق ديالو طويل كيدق على النوافد ههههههههههمن باب المرح ومعاه الشبان والاطفال على شكل عيساوة بالاذكار وكل منزل كيجود بالي قسم الله عليهوم ...الفتيات كيديرو شعالة وهي عبارة عن نار وكيتحلقو يها فشكل دائري وهما كيغنيو ..كتسالي الطقوس والكل كيكون فرحان وخا هاد الطقوس اندثرات بالاحياء الراقية .. ايوا ياش تعرفو ريوسكوم عزازات هانا اعطيتكوم نبدة مفصلة على مدينتي وكننتظر نعرف طقوس احتفال مدونكوم ههههههههههههه |
| الساعة الآن 02:34. |
Powered by vBulletin® Version 3.8.8
Copyright ©2000 - 2024, vBulletin Solutions, Inc. Trans by