|
الحداكة والتويل بلمسات زهرات البستان
باسم الله الرحمن الرحيم
شحال هادى وانا باغيا نزل هاد الموضوع حيت ديما كنهضر عليه وبغيت الاخوات يستافدو منه بحال اللى استفدت منه انا وهادا مجاش غير هايدا لاء طبعا انا تعلمت من عند ناس في المنتديات الله يجازيهوم كل خير على كل حاجة فادونا بيها اولا انا كنت من النوع اللى كيف ماجات نمشي معاها وهاد الطريقة كتعملى ارتباك بعض المرات حيت كنمشي بلا نظام واحيانا كنضطر نرهق نفسي في بزاف ديال الامور والنتيجة مكتكونشي مرضية بقيت كندور نقرا الحمدلله توصلت لطريقة خلتلى حياتى منظمة وانا مرتاحة ومبقيتشي مرهقة او غير كنجرى بعد هاد المقدمة انا كنهضر على نظام بشكل عام في امورنا المنزلية والحياة اليومية في المصروف فى الخروج في السفر في الرحلات الويكاند اى حاجة وليت ماشيا بالورقة والقلم ولله الحمد والمنة قدرت نعمل بزاف حوايج كنت كنحلم بيهوم وفنفس الوقت وصلت لواحد القناعة نفسية ومرتاحة في الشغل ديالى المهم كنتمنى التفاعل في الموضوع ونشاركو جميع اقتراحات واراء ونخليو الموضوع غنى اكيد كاملين عندنا خطط وطرق التوفير والنظام كنتمنى منبقاش نهضر غير بوحدى المهم برنامجى هو كالتالى نبدا ببرنامج اليومى وعلى مر الاسبوع نبداو على بركة الله اولا كنشوف التوقيت اللى غادى يكفانى اهم حاجة التوقيت والاستمرارية عندى مثلا مسيح الغبرة والطواليت والزجاج والطياب وكنشوف واش تكفانى 3ساعات كنعدل التليفون على ديك التوقيت ونتحرك نتوكل على الله كنبدا وانا كنخدم وبحال اللى كتحس شي حد كيراقبك خسنى نسالى قبل الساعة باش منبقاشي ملهية والاستغفار اهم من هاد الشي كامل دابا التوقيت دخلت فيه الرضاعة ديال ولدى والتبديل ديالو وشحال نبقى هزاه حتى يتجشأهههههههه هادا برنامجى ملى كنوض الصباح عندى ورقة معلقة في الثلاجة ديال الاكل كنوض كنكون عارفة اش غادى نطيب للغدا والعشا والكوتى اسبوعى كايبدا نهار الاتنين عندى مسيح الغبرة والتجفاف ومسيح الزجاج الاكل حيت الويكاند مكنعمل والو الثلاتاء عندى الطياب والصابون والحديدة والاكل وتوابعه الاربعاء مكنعمل والو من غير الاكل حيت كنرتاح فيه وكنعمل ماسكات لشعرى ولوجهى وعندى حمام مغربى على حقه وطريقه غير في الدار بلحاق ههههه في العشية كنجبد من الكونجيلاتور الكوتى الخميس دورة خفيفة على الدار وتسييقة جامدة وكنطيب اكل السبت والكوتى معاه الجمعة كنوض الصباح قبل مانمشي لدارنا كنعمل العشا ونعمل اكل الاحد والكوتى ديالو في حالة مكانشي عندنا الخروج والويكاند مكنعمل والو في الدار كتكون الدار مجموعة ونقية والاكل واجد غير الى بغينا نخرجو اولا الى مخرجناش راه كايبقا عندى كلشي في الدار كنعمل الصابون وكنشروه والحديدة مكنعملهاشي عندى مرة في الاسبوع حيت الوزير مكايببغيشى نعمل الشغل وهو في الدار في حالة البرنامج داخل فيه الخروج كنحاول نقللو من الاكل برة غير نشربو قهوة او عصير حيت مبقيتشي بغيت ناكل في الزنقة ولاء كانت ولفت وبغيت نحيدليها ديك العادة خليتها مرة في الشهر بعد ما كانت اسبوعية هادا برنامج الاسبوعى واليومى هايدا كايدوز الحمدلله في الاول كنت نعكز ولكن دابا تعلمت ومكنحسشي بالتعب حيت كل نهار معروف اش غادى نعمل استغنيت على المراة اللى كتجى تعملى الشغل وبدات كتجى جوج مرات في الشهر على حسب التخمال الكبير برنامج الاكل قبل مايدخل الشهر باسبوع كنكون بديت نحظر اللائحة ديال الاكل الشهرى مثلا الاثنين 1في الشهر انا كتبتهوم كيف عندى معلقين غير حروف بداية الاسبوع مع اشحال في الشهر 1l طاجين لحم بالخضر مع سلطة خيار+كيكة التفاح+سلطةفواكه للعشا حيت اصلا كنتغداو معطلين الاكثرية مكنعملشي العشا 2.m عدس مع سمك مقلى مع سلطة خس وطماطم+رغيفات+ياغورت منزلى للعشا 3.me بيتزا دجاج مع سلطة كولسلو وعصير+شنيك+شربة للعشا 4.j قطبان سمك مع ارز وسلطة وعصير الفريز+بينيى +طورطية للعشا 5.v ساندويش كفتة مع عصير للعشا 6.s كراتان +كيك وحريشات صغار معمرين+حريرة للعشا 7.d وهايدا كنمشي كل نهار واشنو غادى نطيب وكنقلب دايما على الجديدشي وصفة جديدة كندخلها في الليسطة وكنمشي الشهر كله هايدا من واحد في الشهر حتى ل30او31 وملى كنمشيو نتقضاو كنتقضا على اساس اللى مكتوب في اللائحة من غير السمك والخضر كنجيب احتياج 15يوم والسمك حتى هو من غير السردين كنجيبو بحال اليوم باش نطيبو غدا اما اللحم والدجاج كنجيب ديال الشهر وكنقسمو كايكون عندى اشنو نعمل كنعمل كل حاجة في طاسة ديالها وكنكتب في التيكت اشنو هادى ملى كنبغى نطيب اول حاجة نعملها كنوض الصباح نجبد اللى غادى نطيب هو الاول وحيت راجلى كايجى معطل كنسبق الشغل الدار هو الاول وكنعمل اللى عندى في البرنامج وعاد ندخل للكوزينة كنبدا ديما بالكوتى ونعمل الغدا ونتبعو بالعشا صافى باش نخرج من الكوزينة فدقة وحدة كنسالى الاكثرية مكنفوتشي 2ديال النهار الى مكانشي عندى شي خرجة او مشوار في الصباح كنسالى بكرى على هايدا كندخل نشلل جسمى ونبدل ونجلس في النت اولا كنخرج الوليدات قبل كنت نمشي بزاف عند عجوزتى دابا وليت نعكز كنحاول نقتاصد حتى قوة الخروج كايخاد الفلوس بزاف كنحاول نعمل اكلات ديال برة في الدار بحيت مايكونش حرمان وفنفس الوقت اسراف الحمدلله وليت نعمل كاشير في الدار والصوصيص والكنتاكى والشاورما ساندويتشات اشكال وهمبركر يعنى كلشي تقريبا ههههههههههههههههههههههههه ومرة مرة كنخرجو ناكلو برة من باب التغيير ماشي دائما ولكن كنخليها مرة في الشهر والباقى كنحاول نعمل في الدار وناخدوه معانا لجردة او الغابة منها كتلعب ولاء ومنها كنرتاحو شوية كنا كنخرج كل اسبوع ومن بعد وليت نشوف الفكرة ديال الخروج كل اسبوع مكلفة بزاف حيت باش نديو البنت تلعب خصنا نجلسو ونتعشاو ونشربو سي حاجة ولينا نمشيو نديوها الالعاب اللى برة القهاوى والمطاعم ومنها تفويجة في الهوا ومنها اقتصاد هاد الشي اللى كاين في الكوزينة نخرجو دابا منها وعطيونى رايكم ومن بعد نكملو مكرهتشي الموضوع يكون شامل واقتراحاتكم وخططكم حتى انتوما بالنسبة للعنوان غير كتبتو وصافى حتى نختارو كاملين عنوان مناسب والمشرفات الغزالات يبدلوه لينا بغينت شي عنوان غزال بحالكم |
تبارك الله عليك كريمة علي موضوعك منظم وكيفتاح النفس للتطبيق غدي نستافدو منو بزاف الله يخليلك صيحتك ووليداتك ومولا دارك
|
ربى يخليكم
ان شاء الله مع بعض نستافدو نورتو الصفحة |
نمرو للعناية بالجسم والنفس واهم حاجة النفس
لان هى كتعكس الحالة اللى انتى كتعيشها ماشي بالضرورة نتهالا في راسي غير على حسب راجلى او باش يشوفنى في ابهة حلة لاء نعتنى براسي لشخصى انا لان الى اهتمتى بنفسك على قبل شخص تانى باش يشوفك وهاد الشخص ماهتمشي بالحاجات اللى عملتى ليه او من اجله ومعلقشي على طريقة لبسك اومكايجك او اناقة انتى غادى تحس بالاحباط والاحباط غادى يسببلك ملل وعدم اللامبالة وحالة اكتئاب واحنا على سبة وهاد الشي ماشي فصالحنا اهتمى بنفسك لداتك ولرغباتك انت حيت بطبعنا احنا النسا كايعجبنا نشوفو راسنا زوينات راه حتى المورال كايتقاد والحالة النفسية كتكون مزيانة وكتنعكس على الناس اللى دايرين بك غادى تحس براسك بانك نشيطة وكتعطى وكتعمل اشياء زوينة فحياتك احيانا كتجى حالات الله العالم بينا انا مرات كتجينى واحد الكأبة منقدرشي نشوف راسي حتى في المراية ولكن الحمدلله مرحلة كنتخطاها كنقول اعوذبالله من الشيطان علاش غادى نعمل هايدا الحمدلله عندى صحتى وبنتى قدامى دابا حتى ولدى ههههه ربى يخليهوملى وعندى راجلى الحمدلله الله يبارك فيه ممخصرليش الخاطر كنرجاع نحيد من ديك الحالة ونستغفر الله فحياتى ولله الحمد عمرى مخليت راجلى يشوفنى مبهدلة ومشيت على واحد النظام من ايام المرحومة ماما الله يرحمها ممنوع نبقاو بالبيجامات في الدار غير نوض من النعاس نعمل الفطور اهم حاجة ونبدل عليا عاد الى كاين شي حاجة تعمل ديك الشي اللى ولفت بيجامة عندها ساعتها كنصلى المغرب ونلبس بيجامتى وبنتى مشات على حسب هاد القاعدة ومؤخرا اكتشفت انى غلطانة لازم مرة مرة مول الدار يشوف مراتو وهى كتشقا او مرونة حالتها حيت نهار الخميس الفايت كنت فدارنا وكنت مع عمتى وزوجة ابى كنعملو الشغل على حسب ديك الصدقة جا على غفلة ولقانى عاملة واحد الشدة لشعرى وحالتى حالة قالى جيتى زوينة هههههههه والله قلت الله اعلم واقيلا ماشي نورمال قالى بصاح عمرى ماشفتك هايدا جيتى بحال النسا دبصاح دابا 8سنين دخلنا فيها مع بغضنا وعاد بانتلو بحال النسا دبصاح زعمة انا كنت دلكدوب ايوا طولت واقيلا عليكم المسامحة هاد الشي اللى في الجعبة ديالى قلتلكم نتمنى الى استافد شي حد من هاد الشي يدعى معيا بصلاح الذرية والصحة |
تبارك على كريمة وعلى البرامج ديالها الرائعة
غدي نحاول نستافد معاكم لكن مع الخدمة البرنامج ديالي كيكون مخالف لهذا غدي يكون موضوع الموظفات مستقل |
تبارك الله على كريمة الله اعطيك الصحة
ويبارك ليك في وليداتك وراجلك شحال كنت متشوقة نعرف البرنامج ديالك تبارك الله وماشاء الله عليك منظم ومتول |
تبارك الله على بنتي الحبيبة لالة سعيدة وتويولاتها ..
حادكة معندي منقول ...ايوا هكدا نبغيك منورة وكيف الحميمة ما شاء الله في مملكتك ... الله يحفظ ليم مسيو وحفيداتي الغالين براء وولاء ..ويسعدك طول حياتك حبيبة.... |
تبارك الله عليك اختي كريمة ملف كامل متكامل الله يجعله بميزان حسناتك
و يحفظ لك وليداتك و بارك لك فيهم حتى تشوفيهم كيف تتمني ان شاء الله نرجع نصور كيف نخدم انا تقريبا بحالك و لكن كلشي جداول نصورهم ان شاء الله و ننحطهم |
تبارك الله على كراميلا برنامج غزال ومفيد عجبني بزاف ربي يحفظك ***** ويبارك ليك في وليداتك ويصلحهم ليك ويبارك ليك في الوزير راه هو الخير والبركة
صراحة شجعتيني باش حتى أنا نعمل برنامج وأهم شي نستمر عليه لان وجدت شحال من برنامج حتى أنا جبتو من النت ولكن المداومة جاتني صعيبة ورجعت للروتين كل نهار ورزقو وصراحة هاد القضية متعبة بزاف ومملة نتمنى الموضوع يلقى تفاعل من كل العضوات لانه مفيد بزاف وكل أخت متبعة شي برنامج تفيدنا به الله يجازيكم بخير لي عودة للموضوع إن شاء الله |
ربى يخليكم تبارك الله عليكم
كنتمنى الكل يتفاعل باش نتحركو شوية ونحيدو الملل والعكز |
تبارك الله على لالة كريمة هكا تكون لحداكة بصح لي قالت ام جيجي منين متيكونش جدول تمشي عليه دغيا تتحسي بالملل وهو لي تنحس به دبا هههههههههههه
|
تبرك الله ما شاء الله لا قوة إلا بالله
الله أحفض لك صحيحتك أخلي لك الوزير ولوليدات حتى تشوفيه كما كتماني أنا من نهار حطيت برنامج ديالي أهجمو علينا العديان هههههه مابقيت متبعة حتى حاجة كما قالت لطيفة كل نهار برزقو أهدشي إلي خلاني نحس بالملل ههههه أما القضية العناية ههههههه الخبار في راسك ههههه راح تورية لصقني مبغات تفارق معايا هههههه |
تبارك الله عليك اختي كريمة و الله يعطيك الصحة وانا ان شاء الله غدي نستفد من لبرنامج ديالك بزاف شكرا و الله يفرحك بوليدتك و يخليليك مول دار
|
ربى يخليك بنت المغرب نورتينى
فاضمة وطلقى راسك وخطيك من العكز وتورية عيقتى دابا يالاه نوضي نفضى الملل ورينا الحداكة |
تبارك الله والصلاة على النبي العدنان
هادي هي المرأة المغربية وإلى فلا تبارك التاويل والحداكة فكولشي والتنظيم هو اساس الحياة السعيدة تبارك الله عليك |
حتى انا ملي تزوجت والورقة وستيلو خدامة هههههههه
اي حاجة تسلات لي دريكت نقيدها باش نهارالاحد لي غادي نتقدا نعرف اش خاصني وتكون الليستا مجودة بالنسبة للنظام ديالنا في الماكلة ديما السلطة خص تكون موجودة والعصير وكل مرة خصني انوع فيهم العصير مرة ندير ديال البرتقال مع الفواكه لي متوفر الى معندي الفواكه ندير مع الجزر او الخيارولا معندي البرتقال ندير عصير الحامض الحوت كنديرو جوج مرات في السيمانة مرة مقلي مرة في الطاجين والدجاج الى درتو هاد السيمانة في الطاجين السيمانة الجاية نديرو في الفران او كباب ومرة فلي هكدا باش كل مرة فشكل واللحم حتى هي مرة في الطاجين او مرة كباب مرة كفتة مرة كبدة مشرملة مرة عدس او لوبية اما الشقا عندي الدار صغيرة كنسيق مرة في الاسبوع ومنها تخمال ونمسح الغبرة وكولشي اتساس وباقي الايام غير التشطاب والشيفون التصبين كنديرهم اتصبنو السبت |
اما الماكلة على البرا غير في السفر
ولكن هاد الايام ملي طوال النهار نهار السبت ملي كنخرج نتسرا كنعياو من الدوران وباقي الوقت كنقولو يلاه نشربو شي عصير مع شي حاجة غير منولي مدمنة هههههههههه لي عودة للموضوع الى تفكرت شي حاجة |
موضوع رائع و مفيد لي عودة ان شاء الله
|
تبارك الله عليك والله يخلي ليك مول الدار و يفرحك بالوليدات ماشاء الله عليك |
أنا ببصراحة باقي معنديش نظام 100*100 كل نهار كنعمل حاجة ومي كنعيا كنسمح فكلشي ونمشي نرتاح كل نهار شكنعمل
|
صراحة تبارك الله عليك وما شاء الله عليك..متولة ومنظمة .... واكيد غدي نستافدو منك كلنا
الله يجعل كل كلمة وكل حف كتبتيه في ميزان حسناتك ...لانو كل ما قلتي وما كتبتي عجبنييييييييي كثير واكيد غدي نستافدو منك كملي كملي وليا عودةلتكملة القرءة كل الصفحات ... اللهم يسر |
ربى يبارك فيك اميناس هدا من فضل الله حتى انتى عندك متعاودى
فدينا حتى انتى ببرنامجك متبخلشي علينا منورين الصفحات |
أنا نقلكم فش يالله سكنت كنت درت برنامج راح وريتو لكم قبل الهجوم هههههه
كنت كل نهار ماخصة لشي قنت في دار ولكن جا البرد وبقيت في ألنوم والكسل ههههه هههههه دب نقلكم اش كندير كل نهار كنوض معطلة كما العادة هادشي نهار مكيبغيش راجلي اتغدى بكري كنفطر كنصاب الغدا نجمع لكوزينة وندوز مرور الكرام على الدار هههههه صافي كنجي نجلس في net حتى اجي راجلي نكلو نجمع تاني لكوزينة إلى امشى انعاس نجي تاني lnet إلى بقى في بيسي كنمشي نتكة ونتفرج كينين نهار إلي كيكون طويان الحوايج ونهار كيكون تسياق يعني نهار اكون لغدا خفيف بحال les pates أو طاجن صافي الملل ههههه إو عطوني رايكم |
مساء النور عليكم الفنيونات
السلام عليكم انا لبرنامج ديالي كتالي مكنعش حتى كنجمع بيت للكنجلسو فيه و نمسحو و نجمع لكوزينة وفصباح كنوض كنبدل لولدي طه و نردعو و نخليه يلعب و نجمع بيت نعاس و نمسحها ونمشي نقاد لفطور ليا ولولدي نوضو نبدليه حتى هوا و نgلسو نفطرو نساليو نشعليه تلفزا يتفرج و نمشي لكوزينة نغسل دوك لميعنات و نوجد غدايا انا وولدي راجلي كيتغدا في لخدمةو نوجد اشنو بغيت ندير لعشا دقة وحدة باش كنخرج من لكوزينة مرة وحدة ونضربليها تجفيفا خفيفة ايوا نمشي نجمع دوش و طواليط اعزكم الله نمسحو حت هو و نجففو و نجي لبيت نشطبها و نgلس نلعب شويا مع ولادي و نتغداو انا ولدي نآعسهوم بجوج و نgلس نتفرج شوية و ندور ف نيت آوا فاش كيقرب راجلي يجي نآمشي ندور شوية بحالتي و نتقاد باش فاش يجي يلقاني في ابهى حلة ههههه هادشي نهار لعادي ولكين كاين نهار لي مكنجففش فيه و كاين نهار لي مكانديرش فيه لعشا و بنيسبة لمسيه لغبرة لكيبرة كنديرها مرة ف سيمنة ولعجينة كداليك و تجفاف نهار اه نهار لا و صابون عندي جوج مرات فسيمنة هادشي و تدواش عندي وسط سيمنة حمام مغريبي يعني بكولشي بلحنة ولوازمهاو ولماسكات ديال شعر و لوجهي حتى هوا كولشي كنديرهوم نهار لحمام باش ليامات لخرين كيكون عندي غير تدواش خفيف مع داك لgوماg لي غدي نحط ليكم و لي مكنستغناش عليه |
برنامج مفيد وعجبني بالزاف حبيبتي
باينا فيك متولة ربي يخليلك وليداتك ومول الدار |
باسم الله نبداو وببركة الرحمن نستمرو
اول حاجة الموضوع ديالنا اننا نحربو الملل والكسل ياكوووووووووو متافقين انا غادى نبدا اليوم ان شاء الله ونكملو غدا العشية الى كتاب باش الاتنين نصبحو في التطبيقات الى طول ربى في عمرنا ان شاء الله اول حاجة بعدا واهم حاجة اننا نعودو راسنا نفيقو بكرى نتافقو مع بعضنا على عمل يومى نعمله مع بعض فديورنا وهكدا مغادى نتعبوشي ومغاديشي نحسو بالملل 1 لازم نولفو راسنا اول مانسمعو الادان نحطو اى حاجة ونمشيو للصلاة هى الاول تانى حاجة كل وحدة فينا على حسب ظروفها ممكن تبدل اوقات الشغل على حسب اوقات عمل زوجك او على حسب ظروف كل وحدة المهم احنا نحاولو قدر الامكان انه الساعة اللى يكون فيها الزوج راجع من برة او في الدار حنا نكونو مساليين احنا نحطو اقتراحات وكل وحدة فينا تعمل علىحساب ظروفها المهم هو منتعبوش راسنا ومنعملوش الشغل كامل فدقة وحدة بحال اللى قلنا نخليواه كل نهار حاجة باش تحس شوية بانك كتعمل حاجة مهمة وممتعة فنفس الوقت اتفاقنا ههههههههه صافى نكملو نهار الاحد المساء باذن الله اى اقتراح او راى حطوه وناقشوه |
|
موضوعك رائع حبيبتي ..
وانا متافقة معاك مليون في المائة ..بحرى تحيدو عليا العكز راه وليت مرخية لاقصى حد والله .... |
البنات ماتحطو هنا أي رد إلي بغات تسول أو تنقاش تجي لموضوع اللمة هنا نخصوه غير لبرامج والتطبيقات الله إجازيكم ها رابيط اللمة مرحبا بكم [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] |
غصن وورزازية مشكورين على التوضيح اخواتى لهلا يخطيكم ازوي نات
نبداو ان شاء الله نقولوها ديما نعملو برنامج او نحطو نقط وكل وحدة وظروفها ماشي بالضرورة كلشي يطبق اللى تحط راه كل واحد واشنو ظروفه اليوم عندنا ان شاء الله غادى نهوى الدار اهم حاجة وعلى حسب الجوواش نخلى السراجم محلولين اولا ونمسح الغبرة ديال الدار كلها ومسيح الزاج وعندى الحديدة والاكل حيت احنا كنتغداو حتى 4.30حتى يجى راجلى من الخدمة يعنى الاكل كنخليه في الاخير بلحاق نعملو كلشي بكرى يبقالك وقت تعمل القيلولة حيت نايضين بكرى هههههههه وتعمل الكوتى واليوم غادى نبدا في الكوزينة التخمال انا مخصنيشي نتعب راسي وفنفس الوقت خصنى كلشي معدل ومتول لهادا غادى نبدا كل نهار نعمل حاجة اللى متافقة معايا تبدا معايا اليوم نبدا من المجورة اليوم غادى نعاود نخمل المجورة واى حاجة زايدة ماصلاحاش بلاستيك تكون منزلة قدامك بدون تردد رميها فيها معالق زايدين او ماشي بحال بحال جمعهوم ومن بعد نشوفو طريقة باش نسقوهوم خلى غير اللى تحتاج نمسحو المجورة يتركنو كل واحد اشنو عندو في مجورتو هههه ونرص كلشي فبلاصتو وتبارك الله انا غادى نعمل اليوم هاد الشي ونحط التطبيقات بالصور ان شاء الله هادا برنامج الاتنين نخليو الباقى للغد يالاه كل وحدة اشنو غادى تطبق واشنو لاء بالنسبة الاكل كل وحدة تعمل على حسب الموجود والمستطاع بالنسبة لى عندى برنامج شهرى يعنى عارفة اشنو عندى وان شاء الله غير الموضوع يلقى استمرارية نبقاو نعمل برنامج من الليل باش الصباح يكون كلشي عارف اش غادى يعمل وكلشي هايدا كايسهال |
انا انشاء الله غدي نبدى معاك يعني نمسح لغبرة ديال دار كلها و نرتب لمجورة ديال لكوزينة واما لحديدة انا ليوم يلاه صبنت و دوزت سبيراتور لدار كلها بقالي غير نمسح لغبرة و نجفف لكزينة و نمسح دوش و نجففو و عاد ندخل لكزينة نطيب غدايا انا وولدي و لعشا فنس لوقت باش يبقالي لوقت لراسي ووليداتي
|
اليوم أنا غدي نبدا بالحوايج نطويهم كلهم حيت جبدتم وخصني نعزل ممنهم وغدي نوجد فطور وعشا نفس وقت
|
انا للاسف يالله ساليت الكوزينة من الديكور الجديد
ودابا بديت في داخل الدار يعني الشغل ماكان نعملوشي كيف العادة ان شاء الله منين نسالي نعطيكوم التقرير هههههههه |
إو قولو ما شاء الله لا قوة إلى بالله بش منعجز تاني أنرجع لنوم ولكسل ههههه
فقط درت ماسك لشعري ههههه درت زيت أركان زيت مرقد فيه أزير زيت العود والعسل ديرتهم حمام مريم حتى تدفو شوية زدت عليهم صفار بيضة باقي عندي بيضها اش ندر به ههههههوة درت لشعري مسكين كلو ناشف ومتقساف إمشيت فطيرت جمعت الكوزينة خملت لمجر واحد هههههه حيت كنصور طتفات لي لبراي هههههه صافي قلت حتى نشرجها مع الغدا وراسي ههههه إمشيت غسلات شعري دوشت لدوش حتى هو هههههه أجمعتو أبدلت الفواطي إلي فيه نزلت تغدنة بغيت ندخل مالقيتش نوبة إمشيت تفرجت شوية حتى داني نعاس ههههههه الكوتي راجلي شرا لبيتزا في زنقة توحم عليها هههههه هادشي إلي درت تتمة إن شاء الله في الحلقة المقبلة تصاوير حتى ليل هههههه |
انا الصباح خرج الوزير درت الماسك لشعرى وجمعت الدار عملت سبيراتور ومسحت الخشب ودخلت خملت البلاكار الكوزينة
ورديت الغدا وعملت الكيك ودوزت جفاف خفيف على الدار ودخلت براء دوشتلو ودوشت لولاء وغديتهوم وخليتهوم مع التفازة ودخلت غسلت وعملت سكراب لداتى اللى هو شوية ملح ليمون وشوية سكر وزيت الزيتون وحكيت مزيان ودهنت زيت جونسون وخرجت بحالى عملت بلاكا لشعرى انا وشريكتى ههههههه ولاء وجلست لعبت معاهوم جات البنت وراتنى نخدم في الماكينة مكملتشي نص ساعة ومشات وبقيت نلعب مع براء حتى نعاست هههههههه صافى ودابا نضت لقيتو ناعس مسكين وولاء ناعسة ههههههههههههههههههههههوجيت عندكم الوزير اتاصل باقى معطل شوية |
السلام عليكم ورحمة الله
برنامجي اليوم كالتالي هههههه فقت الصباح مع بناتي وجدت ليهم الفطور فطرو لبسو حوايجهم لي كنوجد ليهم في الليل مشط ليهم شعرهم وصاوبت ليهم الكوتي لي كيديو معاهم للمدرسة هادشي مولف كيعاوني فيه الوزير ولكن اليوم خرج بكري عندو الخدمة في مدينة أخرى الله يجيبو على خير صافي خرجو ورجعت نعست شوية كالعادة هههههه من بعد فقت حليت السراجم د الدار كاملة وبديت ببيت بناتي جمعتو ومسحت الغبرة ومن بعد دزت لبيتي حتى هو نفس الشي جمعتو جاني ساهل حيتاش البارح خملتو ومشيت لحمامات عملت لهم الكلور والبرودي د الغسيل وخليتهم يترقدو ومشيت لكوزينة وجدت الفطور............. الكوزينة متعودة كنجمعها في الليل هكذا الصباح كتجيني ساهلة من بعد جيت حدا التلفزة فطرت وتفرجت شوية وفوت لاسبيراتور على الدار كاملة ورجعت لكوزينة جمعت ماعن د الفطور خشيتهم في الماكينة وجبت المجورة د الكوزينة كيف تافقنا هههههه زولت ديك البلاستيك لي كنعمل فيه المعالق والفراشط ...............غسلتهم وخرجتهم لبالكو ينشفو مزيان وعاود غسلت داك الشي لي خرجت مسحتهم وعاود ستفتهم ونقصت شحال من حاجة كانت غير شادة البلاصة ونسيت ما قولت ليكم راني عملت ماسك ديال زيت الزيتون كنت مصاوباه بالعظم ديال التمر ولكن العكز خلاني نسيتو ههههه خلطو مع العسل الحر وعملتو لشعري ولفيت عليه البلاستيك الغدائي والبوني هاد شي ملي فطرت ههههه ملي ساليت مع المجورة غلست البلاكارات لي لتحت غير من برا حيتاش هاد الشي خدا لي الوقت ومباشرة دزت لغدا وجدتو وعملت كيكة د التفاح في نفس الوقت دوزت على الكوزينة مسحت البوتاجي رجعت لحمامات شللتهم شفتو على مراطون عويطة صافي هههههههه تغديت أنا وبناتي راجلي مازال ماجاش وكلفت بناتي يخشيو الماعن في الماكينة ويمسحو الطبلة وأنا جيت نرتاح معاكم شوية هههههه كيف جاكم البرنامج كا ولا ما كا هههههههه |
انا برناماجي كالتالي فقت بكري ديت ولدي يدير جلبة رجعت درت لفطور فطرنا غسلت لميعنات فاش فطرنا دآزت لدار كلها حيت ليها ترييات دربت ليهم تحميما فاعلة تركة هههههه نشفتهم و رجعتهم لبلاصتهم و دزت مسحت لعود ديال دار كلها ساليت هدشي وانا ندخل لبيت نعاس درت بيها شوية و مسحتها و مشيت لدوش دزت عليه مرور لكرام هههههه اوا ساليت من دار جينا لغدا و راجل خدام من دار مشيت درت دغية شلاضة بمطيشة و لخص و لفجل هههههه و درت روز بلكاري ودجاج درتهوم ف لكوكوت و بقات لي ليبات من لبارح سخنتها و وجت لعاصير و ديسير و سيرفيت طبلة فاعلة تاركة داكشي رومنسي هههههههههههودراري ناعسين ايوا كيف جاكم لبرنامج ديالي اه ودرت لكوتي كيكة و عصير ديال لافوكا
|
سلام عليكم بين فيكم باقي كتحكو هههههه أنا جيت حيت لبراي كاطفا حتى هي النوم والكسل هههههه
اليوم درت غير لبلكرات إلي قالت كريمة المسمن بحرا جبت الكفتة باقي جامدة أما الفورن غادي نقلي الحوت مابغيت نعود من بعد هههههه حتى نتغداو إن شاء الله إو نخليكم مع الصور هههههه هادشي إلي فيهم حيت لخرين خلتهم في لومبلاج فش كنهتجهم نجبدهم بسم الله قبل [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] بعد [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] |
[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]
[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] |
[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]
[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] [عزيزتي الزائرة يتوجب عليك التسجيل لمشاهدة الرابطللتسجيل اضغطي هنا] |
| الساعة الآن 11:43. |
Powered by vBulletin® Version 3.8.8
Copyright ©2000 - 2024, vBulletin Solutions, Inc. Trans by
