|
مساعدة من زهرات ديالنة
انا غدا نتزوج في شهر 6 وبديت كنوجد في داري و وحلت وحلة في الكوزينة معرفتش اشنو نسبق بغيتكم تعاونوني الله يسعدكم بلي كتمناوا و تقولولي اشنو نسبق و لحوايج ضروريين لكوزينة
|
هنودة مرحبا بيك معانا فى المنتدى والله يكمل عليك بالخير ويبارك لك فزواجك
شوف اختى منقدرشي نقولك كلشي حتى يدخلو البنات الاساسيات ديال الكوزينة بعدا المعالق والشوكات الموس الطناجر جوج طباسل غادى يجوك فى الكاد دلعرس كايغلبو غير عليهم هوما والكيسان هههههههههههههههههههههه براد اتاى وقهوة واهم حاجة متكتريش المواعن باش متوحلشي شري باش تقضى وملى يدوز العرس تشوف الكادويات قررى اش ناقص هاد الشي لى نقدر نفيدك نورتى اختى المنتدى ومرحبا بيك مرة اخرى |
السلام عليكم
مرحبا بيك اختي معانا والله اكمل عليك بالخير شوفي اختي حاولي متشريش بزاف شري الحويجات لي محتمل ميجيوكش في الكادو ات بحال المقراج وبريق القهوة وكوكوت و معالق وفراشط ولمواس شري سلات د المواعن و قريعات فاش دري العطرية والمعجنات شري بواطات فاش دري الحاجات في الثلاجة |
مرحبا بيك معنى
والف ألف مبروك عليك كما قالو لك البنات متكتريش شري غير حاجة خفيفة حتى تستقري غدي أبان لك اش خصك شري العطرية وبوتات ديالها راح كاتباع مجموعين ورخاص في تمن شري سربس واحد لقهوة واحد اتاي شري جوج طباسل لتقديم لك نتي وزوجك وشري جوج كبار إلى ج شي حد شري داك لكاس العصير راح كيكون معه 6 كيسان لشرب بطبيعة الحال كاميلا كسرونا ومقلة مواس وفرشيت ومعالق كبار وصغار طاجين براد وترموس القهوة وحليب صافي هادشي إلي ضروري إلى خصك شي حاجة جيبها من داركم ههههههه حتى تشري ديلك مرة خرى ألف ألف مبروك والله اكمل عليك بالخير وعرضي علينا لعرس ههههه |
بلحاق فين بلاصة انتى نشوف واش غادى نحضرو للعرس بعدا
نارى غادى دوز رمضان فدارك الله يسخرلك الحريرة والشهيوات ههههههههههههههههه |
الله يبارك فيكم الغزالات انا غير لقية المنتدى ديالكم صدفة وعجبتوني بزاف متولات و حادقات معندي منتسالك قررت نتسجل معاكم باش نستافد و نحداق حتى انا راني معكازة بزاف انا سطاتية و غدة نسكن فمحمدية الا كمل الله,اوا انا كنوجد فلي خصني و الله يدير ليفيها الخير
|
انا سطاتية وغدا نسكن محمدية مرحبا بيكم.
اختي حنا يلاه بادين حياتنا من صفر مبغيتش العرس بغيت نقاد داري ولكن دارنا قالك ضروري العرس وانا مزال كنشوف اشنو ندير |
متشرفين بك اختى
انا من طنجة فرحى براسك اختى راه ليلة فى العمر غادى تزوجى كل نهار ههههههههههههههههه فرحى وفرحى اهلك وخا بليلة بسيطة ومن مور العرس والفرحة كلشي كايجى الله يوفقك فحياتك ويباركلك |
الله يكمل عليك بالخير
انا من راي البنات ما تكثريش من الماعن لان ان شاء الله منين غادي تكوني فدارك غادي تصيبي اشياء جد جميلة فالمحمدية و خصوصا يلا درتيو شي تنقيزة فالويكاند للدار البيضاء يا سلام تم العجب و بارخص الاثمان حاولي تشري غير لي مهم و بالشوية عليك و يقدر يجيوك كادويات فيهوم الاواني و تبقاي واحلة كاين عائلات كيديرو جلسة عائلية مع العروسة و كل وحدة اش كتقتارح تشري و كاين لي كينعاونو فشراء حاجة كبيرة بحال الثلاجة و الفران و هكذا العروسة كتكون عارفة اش بقا ليها تشري على فكرة فكري فالثلاجة هي الاولى و الفران لا تبقاي غير شري شري و في الاخير تولي كتحسري .الله يسعدك و يكمل عليك بالخير . |
اقتباس:
واش كديرو الرجال بوحدهوم و النساء بوحدهوم و لا مختلط . |
شكرا بزاف حتى الدار قالو ليا غدة تندمي من بعد على العرس الا كانت شي حاجة غدا تكون في سطات
انا ناوية نتقدى من كازا |
شكرا بزاف حتى الدار قالو ليا غدة تندمي من بعد على العرس الا كانت شي حاجة غدا تكون في سطات
انا ناوية نتقدى من كازا |
و غادة نوجد نابات و سرابت
|
واش هذا المهر ديالك لي غادي تشري منو هد الحوايج؟؟؟
شكون لي غادي يتكلف بالثلاجة و الفران؟؟؟ و الفراش و الطبلة ديال الماكلة و الطبيلات الصغار شكون لي غادي يتكلف بيهوم؟؟؟ الدار واش كبيرة او صغيرة؟؟؟ الفيطرينة واش داخلة فالحساب او لا؟؟؟ هههههههه دخلت معاك فالخصوصيات و لكن غير باش نفكرو معاك و نشاركوك الاقتراحات . |
مرحبا بيك وبناس سطات راح قريب الحال المحمدية وكازا
كما قالو لك داركم نهار تفكري غادي تندمي مدرتش لعرس ماشي عرس كبير وخسران لفلوس إلى غير جلسة عائلية وناس القراب وجيران صافي ديري ليلة بسيطة وديري فيها صور بش تبقى دكرة زوينة أما لموعين وفراش ودار غادي تشريه غير بشوية عليك جاع ناس بداو من صفر وكولي مزيان ومتبقيش تخرجي بزاف لشمس بش تبيضي هههههه |
دار 73m لا المهر غادا نخدو دهب ههههههههههه
ولكن في العادة ديالنا مني كتزوج بنت و لا ولد كيعطيوه الفلوس ولا كيتافقوا كل واحد يدير ليه حاجة فهمتوا انا بغى نفرش بيهم الصالون و نكمل الكوزينة و هو غدي يقاد لي بقى و يخد التلاجة و الفران ما الى دلك |
اقتباس:
|
ههههه ويه نتي غادي تزوج قبل رمضان هههههه خصك أولى حاجة تعلمها الحريرة ومسمن وبغرير وحوايج إلي كتكال في رمضان سولي راجلك اش كيعجبو وتعلمه
راح دغية غادي تعلمي وغدي طالع لك كوزينة في راس هههههه غير بشوية عليك |
تزوجي سيمانة قبل رمضان أولى كتر بش تعيشي شهر عسل هههههه
دوري في المنتدى راح كينين وصفات في لمستوى وتعلمي |
اقتباس:
صافي مزيان هكذا واش كتعرفي طيبي ؟؟؟ خاصك تكوني حادكة على الاقل فالطياب كيف ما قالت ليك الاخت الورزازية ديري دورة فالمنتدى و غادي تصيبي وصفات زوينين و اقتصادين و ديري التطبيقات من دابا الله يكمل عليك بالخير . |
كنعرف نطيب كلشي الا الكسكس معمرني درتوا
|
ههههههههههه الكسكس ساهل وبغا غير الزعامة
|
اقتباس:
|
اقتباس:
|
لكازويات وريوني شي بلاصة فيها الحوايج و الماعن بتمن مناسب؟؟
|
| الساعة الآن 08:38. |
Powered by vBulletin® Version 3.8.8
Copyright ©2000 - 2024, vBulletin Solutions, Inc. Trans by