|
بعض افكاري المنزلية نتمى تعجبكم
السلام عليكم ورحمة الله وبركاتة كيف احوالكم اخواتي الغاليات ان شاء الله في نعمة دائمة اليوم جبت لكم شي افكار من بيتي و كنتمنى تعجبكم اول حاجة خديت ألالة 5 الرشاشات صغار و عملت فالاولى الماء مع الخل باش نمسح الزجاج و المرايا الثانية خلطت فيها جافيل مع الما و خليتها لمسيح الكويزينيير و الثلاجة و البوتاجي و الطبلة من بعد الاكل الثالتة عاملة فيها شوية الزيت مع الخل باش نمسح الخشب لي عندي فالدار كيصبح اكثر لمعان و كيتنقى بطريقة عجيبة الرابعة عاملة فيها غير الزيت وممكن حتى الزبدة دائبة و هادي كنستعملها للمخمار او المسمن باش نرش المقلة بلا منوسخ الدنيا بالزيت الخامسة عاملة فيها سانيكروا كنرش الحمام شوية و ندوز عليه النشاف و ها هو نقي و برائحة عطرة كنتمنى تكون افكاري عجباتكم و على فكرة فاش تبغي تشري الرشاشة جربيها عندو و خودي شي شكيل صغير و وزوين باش يعطيك منظر أفضل و كتبي عليهم اسم الخليط لا تولي راشة المقلة بجافيل ههههههههههههه |
تبارك الله عليك وعلى افكارك
فكرة الرشاش فكرة زوينة انا جربتها واحد المرة درت فيه جافيل ودغيا قطعلي ديك الجلدة لي كتكون في الداخل صافي وخسر البخاخ ولحتو هههههههههههه مكرهت كون كنتي تصوريهم الى كان ممكن والله ايجازيك بالخير |
تبارك الله عليك وخلاص افكار جميلة وغزالة بحال مولاتهوم الله يجازيك كل خير
|
تبارك الله عليك الحادكة ....بغيت نسولك بنسبة للخشب واش لخل كايكون عادي ياك
|
اختي تطوانية نورتي الموضوع
رشاشة تاع جافيلا دااائما خصك تهرسي الجهد ديالو بالماء ان شاء الله تجي فرصة ونزل ليكم الصور |
بارك الله فيك اختي الحبيبة بلقيس
|
تبارك الله عليك أختي أفكار مهمة وتنفعنا في أشغال البيت حتى أنا كنعمل نفس الفكرة غير من الرشاش لي كيبقى لي مثلا د الزاج ملي كنشريها وكتسالي ماكنرميهاش كنعمل فيها الخل والماء وكنمسح بيها غير السراجم فقط ماشي المرايات لان الخل مع المدة كيخسر المرايا وكتبرقع وحتى العود كنت كنمسحو بالزيت والخل ولكن حرمت لانه مع المدة كيخرجع على العود وكيرجع كلو مبرقع وهادشي لي كنقول ليك عن تجربة ديالي وديال الاخت الراجية عفو ربها الله يذكرها بالخير ناري شحال توحشتها هههههه راه كانت نزلت التجربة بالصورة أن الخل مع المدة بدل ليها اللون د الخشب ومسح ليها الزواق لي كان عندها في السدادر
سمحي لي طولت عليك ولكن غير باش تستافدي ويستافو الاخوات من تجريبتي حتى أنا كنت فرحانة بالنتيجة في الاول ولكن في التالي ندمت ودابا كنشري البرودوي الخاص بالخشب ونهني راسي |
شكرااا ليك اختي ام الاميرتين على المرور
هذ المسألة الي قلتي تاع الخل والزيت للخشب في الحقيقة استغربت انا تنستعملها سنين يعني غير في بيتي فانا تنستعملها اكتر من 16 سنة ولا شفت لخشب تاع صالوناتي او بيت النعاس او ديال الكوزينة تأتر او تغير بل بالعكس الحمد لله مرتاحة في الطريقة معمرها حشماتني تنفظلها على المواد المصنعة والكيماويات الي متنعرفوش مصدرها انا مني تيجي عندي شي حد من العائلة تيقولو لي عاوتي بريو تاع السدادر تنقول ليهم لا غير تنضيف يعني معمرني حصل لي هذ الشي الي وقع ليكم ممكن تكون اسباب اخرى لبرودة لاميديتي تاع الطياب نوعية الخشب وحتى نوع الفريني الي مستعمل .... على العموم شكرااا على التدخل وبارك الله فيك |
شكرا ام عبودي علي هده الافكار ويمكن بحال لي قلتي حسب نوعية الخشب انا واحد المرة جربت الخل عادي وخلالي ليطاش كلم مضببين في السراجم من تما ماعاودت هو يمكن خصو خل ابيض ياك
|
تبارك الله عليك
بالنسبة للرشاش فكرة مزيانة و لكن كيف ما قلتي خاصنا نكتبو عليهوم لا شي نهار نطيبو بالنواوي او منين تخوا لينا شي رشاش ديال التنظيف مثلا ديال الشراجم ما نرميوهش بل نعمروه بالسائل لغدي نستعملوه للنوافد و كَذلك للرشاش ديال الخشب و التنظيف و نخليو ديال الزيت للمسمن باين بوحدو اما الاخوات لي يدها بوحدها فالمطبخ تقدر تتحكم فالرشاشات و تعرف هد من هد انا عندي ولد قليل الحياء غير يحل الثلاجة و يعمل القرعة فمو و يشرب واحد النهار تفرع لي بيدو ديال جافيل و خويت لي بقا فالقرعة ديال سيدي اعلي الولد اخر حالف فخاه انا خبعت القرعة و هو جبدها و دارها فالثلاجة او جا خاه مصيط و ميعادو غير مع داك القرعة و اشرب منها و ما تسمع اختكوم غير ما ما اجريت للكوزينة نصيب الولد اشرب جافيل:eek: . |
| الساعة الآن 02:17. |
Powered by vBulletin® Version 3.8.8
Copyright ©2000 - 2024, vBulletin Solutions, Inc. Trans by