البنات شكون عزيز عليها الغرس
 

تبث من طرف titouaniya في 30 / 8



البنات فكرت ياريت نفيدو بعضنا فالزراعة والغرس ونوريو تجاربنا باش نديرو النفس فبعضنا انا ماعنديش بزاف مع الغرس وبغيت نتعلم عندي شي زريعة يالله زرعتها فالجردة على الله تسخر

انا تنحماق اختي على الغرس ومعنديش جردة تنتمنى انني نديرها في داري الجديدة مني نبنيها
لكن عندي الغرس في الشراجم داري كلهم قلت ولو معندي جرة نديرو فين ما كان راني كنراعيهم بحال ولادي ههههه

وسهلييين ايوا ماكرناش تصوري لينا دوك المحابق ..اختي انا عندي الجردة شحال هادي وماعمرني استغليتها المهم يالله فقت من الgلبة وبغيت اللي يدير فيا النفس باش نزرعها المهم راه عندي زريعة الزعفران الحر ماعرفت واش تصدق ليا فهاد البلاد اولا راني درتها هادي تلت ايام ودرت الخبيزة وغرست النعناع والعبدية

ان شاء الله اختي انا تنحماق على الغرس استغليها اختي متخليهاش هكذا تصوري انا غير داري في العروبية مني بنيتها خليت فيها مكان لجردة
ودخلتها عندي لدار يعني من باب داري لجردة
عملي فيها اختي شجيرات تاع الليمون ولا كان المكان كبير عملي حتى دياول الزيتون واستغلي الارض الي بينات الاشجار وعملي فيها كيف
قلتي نعناع تاربيع لكرافص عملي مطيشة هههه يعني استغلي الجردة في الخضار البيو راها تنفعك

انا عزيز علي ولكن الرجاء في الله مكاين التيساع
اوا الله اسخر ليكم

تبارك الله اختي ان شاء الله نحاول ندير شجيرات ونصور ليكوم ايوا ماتنسايش تصوري لينا المحابق ديالك

تيطوانية نديرو النفس فبعضنا واخا المحابق تقدري تديري فيهوم قزبور وزعتر وازير وخزامة ايوا جربي غير محيبق هههههه

ان شاء الله اختي لعيونك نصورهم معمرني صورتهم مساكن هههههههه

بارك الله فيك اختي

السلام عليكم

موضوع ممتاز و نتمنى يلقى اذن صاغية

انا البارح ولي امري قال لي يلاه نمشيو للجردة ناكلو الملاوي

و من بعد قررت نخرج من الدار ساعة وحدة

منين امشيت جاتني هزة عصبية و بقى خاطري مخصر الى حد الان

الجردة مسكينة ولات مهجورة و منين كتزطمي فيها الرجل كتدخل للداخل بالاعشاب حتى انني خفت لا تعضني شي حاجة

المصيبة و هو فهاد البلاد ممنوع منعا كليا تشويه المنظر العام خاص كولشي يكون جميل و متناسق

احنا امشينا عطلة و الناس لي واعدو راجلي باش يتهلاو فيها ما دارو والو لان كان رمضان و الصهد

البارح بالعصبية اهرست الفران ديال الجردة اي الشواية بالعصبية