|
اكلات الأطفال المدرسية
السلام عليكم ورحمة الله تعالى وبركاته جاتني الفكرة من المعانات اليومية اللي تنعانيها مع بناتي بالنسبة للغدا اللي يديو معاهم للمدرسة بحكم تيقراو التوقيت المستمر وفكرت فيكم ضروري غادي تكونو كتعانيو بحالي وعلاش لا نتعاونو وكل وحدة فينا تطرح الأفكار والوجبات اللي كتعطي لوليداتها يوميا ومن هنا غادي نتعاونو نتجاوزو هاد المشكل غادي تقولو لي علاش ماتديرش la cantine غادي نقول لكم ماكلتهم مافيها مايتكل زيادة على الغلا على والو بهدا تنفضل طياب الدار عارفة شنو دايرة فيها وولدياتك شنو تياكلو يالله شكون معايا فهاد الموضوع |
تبارك الله عليك اختي موضوع مهم خصوصا لي عندهم وليدات
حااولي تنوعي ليهم وضروري من الفاطهة والخضر ودانون واجبان غير حاولي تبعدي على الاشياء لي كتأسد دغيا خصوصا ملي غادي تبقا الماكلة برا الثلاجة |
اهلا اختي شاكرة النعمة انا ولدي كيمشي للمدرسة كيدي معاه الا الكوتي و ف 12 كيرجع للدار لهدا معنديش فكرة واضحة فهد الموضوع مثلا عندي فالصباح كنعطيه مرة شوي العنب مرة خيزو صحيح مرة ثفاحة مرة بنانة مرة طوست بالفرماج و عندي ولدي الكبير كيخدم و مرة فالاسبوع كيدي معاه الغدا ديالو ادا فالليل كنوجد ليه داك الشي لي قسم الله و كنعملو فالكونجلطور و فالصباح كنخرجو من الكونجلطور و كيديه معاه و منين كتوصل الغدا كيجي هو هداك ثم اش كيدي معاه بطبيعة الحال مخاش ليدام و لا التوابل باش يلا افسدت الماكلة يحسو بيها راها فاسدة كندير الروز معاه اما الفرماج اما قطع اللحم صغيرة او بصوص الفرماج او نصف كوميرة فيها لحيمة مقطعة صغيرة او فرماج باختصار شديد كنعتمد على انواع العجائن و كننوعها كل مرة و منين يجي للدار كياكل مزيان لي خاصنا نبتاعدو عليه بحال البيض و ليدام و الحوت و الاشياء لي بسرعة كتفسد و نكثرو من الفواكه و لي ما ننساوهش و هو الشيتة ديال السنان معاهوم ما تفارقهومش و اكيد الحلاوة لا محل لها من الاعراب و ممنوعة منعا كليا خارج البيت . |
موضوع جميل اختي
انا بحال اخواتي معنديش مشكيل يعني ولادي تيجو يتغداو في الدار وتنقبلهم ضروري خضر وشلايض والعصائر تنعتمد عليهم واهم حاجة ان اي حاجة تيكلوها صنع منزلي وعاد في الكوتي تاع المدرسة تيدو الي قسم الله اما فواكة اما معجنات او كيك او كوكيز او اي حاجة انا مصايباها ليهم من ادي يعني اي حاجة يقدو اشوفا في الزنقة تنقادها بإدي او تعمل ليهم بواطات فيها اللوز الكركاع والثمر الزبيب يعني مشكلة من الفواكه الجافة احسن حاجة ليهم هذ الشي اختي الي تندير انا والكمال على الله تقبلي اختي مروري |
مكاينشي بحال الام تصايب ماكلة لوليداتها وياخدوها معاهم اما الاكل المدرسي كلو معلبات وعجائن مافيها حتي فائدة كيغلاضو الاولاد وبلا فيتامينات
كل مرة تتنوعلم من غير المرق كيما قالت غصن تعملم سندويشات الكفتة او ستيكات الدحاج او اللحما و لباط بلاصوص والكفتة او بايلا ناشفة او طورطية بالبطاطا والجبن حتي هي كاتجي ناشفة وارا مايتعمل المهم يغلقو الجوع بينما يجيو للدار والكوتي اما الكيك مع دناب المهم حاحة دالدار |
شكرا لكم البنات على المداخلات ديالكم فالحقيقة هي فالمستوى راه نفس الشي اللي تندير مع بناتي كل نهار وشنو وتنحاول ننوع لهم ولكن ماتنعطيهم دانون ولا داناي حتى يرجعو للدار وياخدوه ودايرة لهم برنامج كل نهار حاجة مع المحاولة على أن الكل يكون متوازن ومتكامل بحال مثلا اليوم وحدة دات بانيني بالكبدة والفرماج وعصير والأخرى حيت ماكاتاكلش الكبدة عطيتها سلاطة ايبلي بالخضرة والطون وعصير والفواكه تيفضلو حتى يرجعو عاد ياخدوها ولكن تنصر عليهم يفطرو مزيييييييييييااااااااااااااااننننننننن ههههه نتسناو باقي الأخوات يدخلو يقولو لنا رايهم وانا يوميا غادي ندخل نقول شنو داو فالماكلة باش اللي بغا ياخد فكرة |
حتى أنا زيدوني عليكم أكبر حيرة هي أشنو نعطي لولادي لأني كنخدم توقيت المستمر وحتى هما في المدرسة عندهم توقيت المستمر
كل مرة كنعطيهم حاجة مرة كندير سوندويش ديال الكفتة أو لداند أو صوصيص ومرة ليباط ومرة طورطية ديال البيض والبطاطا كل نهار كنحير شنو نعطيهم |
الإقتراح الأول
سندويتش بخبز التوست مع حبة موز و عصير فواكه مشكلة وقطعة كيك بالشوكولاته و ماء. نحضر شرائح الخبز ونقطع الأطراف. الحشوة: علبة تونة مصفاة من الماء حبة جزر مبشورة رشة ملح و بهار اسود جبن كريمي للذهن. نذهن الخبز بالجبن الكريمي نضع فوقه ملعقة كبيرة من الحشوة ونقسمه انصاف ثم نضعه في كيس السندويتش للمحافظة على طراوته |
موضوع غاية في الاهمية للاخوات اللي عندهم نظام التوقيت المستمر ... فعلا الموضوع تيكون محير ونتعب لكن بشوية الصبر كلشي يهون
انا الحمد لله ما عنديش هاد المشكل لان اولادي تيجيو مع 12 يتغداو ويرجعو عاود ... لكن كنتدكر فاش كان رمضان تيجي مازال في القراية اشحال كنضرب ديال تمارة ... بالحق وبينبي وبينكم ..غير الكوتي تنهز ليه الهم ههههههاني راه مازال ما وجدت ليهم والو |
طيب الاقترااحات ديالي
هي نوجدو بتزات بكميات كبيرة وكل صباح تناخدوها من المجمد ونعملو ها في بلاستيطك غدائي . وملي تتوصل وقت الغدا تتكون اخدت الحرارة العادية ممكن ايضا تحضير السندويتشات ب عجينة العشر دقائق .. وتنشحرو البصلة مع الكفتة وشوية الجزر محكوك والقرعة الخضراء محكوكة .. وشوية التوابل نحركوها تا تطيب ونزيدو الربيع نعمرو بيها العجينة على شكل بكيت صغير ونفلحوه ندهنوه بالبيض ونطيبوه ...تا هو نعملوه في الكونجيلاتور ونخرجو عاد التنوع في السندوتشات بخبز البركر .. |
| الساعة الآن 12:05. |
Powered by vBulletin® Version 3.8.8
Copyright ©2000 - 2024, vBulletin Solutions, Inc. Trans by