فن تنظيف وترتيب الدار : الكوزينة
 

تبث في تاريخه تطوانية



سلام عليكم

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

ندخلو لموضوع نيشان هههههه أنا هاد ليمات مع المصران وليت غير نعدي وندوز من الفوق والكوزينة ولات حالتها هههههه معندي كانة

ههههه


إو بغيت نوض لها ولكن كل مرة كنقول حتى غدا هههههه


إو قلت ندير هاد موضوع بش نتعاونو ونحطو أفكار إلي تخلي الكوزينة ديمة مرتبة ومقدة وكلش فبلاصتو


الأفكار وصور أمكن نجيبوها من نت ولكن تحميل من المركز المنتدى


الكوزينة نخصصو لها يومين ومن بعد ندوزو لجهة خرى



[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]


[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

إو قولو تاني مكرر أولى كنعاود نفس الأسطوانة ههههههه راح شقى إلي مكيتقدى وخص كل مرة نجبو موضوع بش نحيدو الملل ونشدو الهمة من جديد هههههه

فاضمة تبارك الله عليك أنا فحال هاد المواضيع كيعجبوني وما كنملش منهم وقد ما كانو مكررين كينفعو وكيجددو فينا الحماس لان فحال لي قولتي الشقا ما كيتسالاش ولانه عمل يومي خصنا دائما نجددو فيه ونبتكرو باش نبداو نعملوه بحب وإخلاص ونحتسبوه لوجه الله ماشي نشقاو وحنا طالع لينا الدم هههههههههههه
نتمنى يكون تفاعل مع الموضوع ومانبقوش غير بوحدنا كيف العادة راه العضوات كلهم عندهم ديور وكيشقاوهم ههههههههههه ولي عندو شي فكرة ينزلها وغتكون ليه صدقة جارية يفيد بيها ربات البيوت لي ماعندهم خبرة في شغل الدار أو المبتدئات
لي عدودة إن شاء الله غير حددو باش بغيتو نبداو

هههههههههههههههه هم العيالات الكوزينة والشقا الله ايعاونا عليه
وان شاء الله نشطو الموضوع ويرجع الحماس ونعتابروه كجزء ثاني للحداكة والتاويل لي ضرباتو عوينة
هي قلتي نبداو بالكوزينة انا نيت ديالي حريرتها حريرة انا الموشكيل لي عندي كوزنتي مصبوغة ومع ليدام ملي كنجي نحك
كنحيد الصباغة ههههههههههههه واو عطيوني شي حل ههههههه

يالله أول خطوة أن شاء الله التخلص من أي زائد حيت دك شلة المواعن وشلة القجاقل إلي كتخلي ديمة الترتيب صعيب


إلي عندها شي ميكات أولى قراعي غير شادين بلاصة أولى حتى لمواعين غير شادين بلاصة ومكنستعلهاش ندوهم تحت السداري تحت السرير المخباء السري المغربي هههههه إلى ماعندو تساع قبل منديوهم للمخباء نباليوهم في ميكا بش ميتغبروش أولى حتى فوق ماريو بش إبقاو ديكور ندير لهم البلاستيك الغدائي منها ابنو منها ميتوسخوش

فاطمة واش جربتي الخل مع البرودي لي كيتغسلي بيه الماعن راه يزولو بسرعة وعاد الصابون البلدي كلشي كيشكر فيه للتنضيف دقة ببطلة أنا جربيه راه يقدر يزول ليك الطبايع د ليدام

ايوا هاني معاك افاضمة حتى انا كيعجبوني بحال هاد المواضيع

لطيفة ههههههه ويه تقول ناس صايمين أولى مكيدرو ولو في ديورهم هههههه إو الله اهديهم ويجيو أنشطو معنا هههههه


فاطمة ههههههه الحل هو الخل الأبيض تشريه وديري كاس في قرعة ما طايب وشوية المسحوق المواعين وخلطي مزيان ودوزي على أي بلاصة فيها ليدام وخليها شوية ودوزي تاني غادي إتحيد إن شاء الله

مرحبا بيك حبيبة إن شاء الله نحدكو راح الشقى مكيسليش تقول جوع غير كتكمل الغدا تفكر في الكوتي هههههه

شوفو الكوزينة الى بغيتو تسهال عليكوم عمركوم ماتخملوها فدقة كل نهار قنيت وهي كتبقى ديما نقية وفنفس الوقت ماكتعيايش انا هاد الطريقة اللي وليت كنتبع

أنا هاد الايام شنيت حملة على الدار كاملة فينما عندي شي حاجة زايدة في الدار تخلصت منها كنت بديت بالكوزينة كاع القجاقل لي غير زايدين أو سرفيس لي ثرسلي منو جمعتهم في كراطن وديتهم لسدة د الكراج وهاديك السدة براسها خصصت ليها يوماين باش خويتها من القج وكنعطي الوزير كل مرة كيعمر الكوفر د الطوموبيل ويلوح حتى خويتها ودابا لي ما بغيتها كنديها ليها لان بصراحة ملي كتحسي أن الدار مابقاتش بغات تجمع وتقاد تأكدي أن فيها أثاث غير زايد وخصو يتحيد من الطريق وراه مازال ما كملت الحرب كل مرة كتبان لي حاجة كنزولها باش ملي نخمل تجيني القضية ساهلة
نتمنى تبداو بهاد القضية راها مهمة بزاف والنضام راه هو كلشي في الدار وبلا بيه واخا تقيلي تمسحي وتنفضي حتى حاجة ما كتبان