****دعوة لكل الامهات اشنو ما تياكلش ولدك ...
السلام عليكم
كما هو مبين في العنوان كيف تنعرفو اجميع انو كاينين بعض الاطفال الله يهديهم ...الله يهديهم .... ماشي دائما تياكلو اللي تحط على الطبلة وهدا احيانا كثيرة تيسبب لينا صداع الراس وتبرزيط دائما في كل مرة الا خرجنا الا مشينا عند الناس الا سافرنا .... المهم انان عندي ما نقول في هاد الخير ولكن ادعو كل الامهات يقولو لينا اشنو.. وكيفاش تيتعاملو مع هاد المواقف خصوصا ان العطلة على الابواب ...... واكيد ليا عودة وطبعا لكل الامهات اللي مازال ما رزقهم الله اهدي لهم هده الدعوة من قلبي :D ياربي كل ام ترزقها الذرية الصالحة عاجلا غير اجل يااااااااااارب ويارب كل وحدة ب 2توام ياااااااربي :o |
موضوع في غاية الاهمية لانو عندنا هذ المشكل مع الوليدات ناكل هذي مناكلشي هذي نتمنى نستافدو من بعضنا
تبارك الله عليك ياقمر انت مواضيعك دائما هادفة |
تسلمي لي ام العربي
فعلا لاحظت كثير من الامهات تيعانيو من هاد المشاكل ديال التغدية ديال الاطفال ديالهم ... والا حاولنا نعملو جلسة مع بعضنا البعض ونشوفو تجارب بعضنا البعض ممكن نلقاو حلول نرجو تفاعل كل الامهات فيما يخصني مثلا عندي ولدي امين تيعديبني في مكلتو ... والا خرجنا والا مشينا عند الناس خصوصا الا مشينا عند الناس زعما تيفرحو بينا ويحطو ليك ما لد وطاب وهو ماكلتو قليلة وما عزيز عليه كل هاد الخير هههههههههه الا قلت ليك اشنو هي الاكلة المفضلة عندو تموتو عليا بالضحك عزيز عليه البيض والشعرية وليباط صافي اللي دار ليه هدو راه عملو الواجب وكرمو هههههه اما مثلا في البتزا الا لقا فيها الفلفة والزيتون يبقا يفلي يفلي يفلي تا ينقيها من الزيتون والفلفلة .... الله يهديهم واخلا ص |
شكرا لك اختي على الموضوع الي صراحة عامل لنا حالة هاد التغدية عند الاطفال
انا ولدي ما يبغيش ياكل يل الثمر و الفواكه الجافة حتى هي الا كاوكاو واخا تجيبي له حانوت الخضر حتى هي الا الى كانت وسط البانيني او الشوارما و الجلبانة ما يطرفش بها اما الى عملنا البيتزا بحال ولدى كا كاين غير الستيان ديما دياله فيها غير الكفتو و الفرماج الحمد لله بعدا عزيز عليه الحوت و العدس والحمص |
موضوع جد مهم شكرا لك *****
انا ولدي لحمدولله كيكل كولشي يعني معندوش هادي لا و هادي اه من غير دانون كيكلو بزز ههههه خسني نغني ليه و نلعب ليه باش يكلو هههههههه |
شكرا على الموضوع القيم
فعلا كل الأمهات تيعانيو من هاد المشكل وتنبقاو ديما مع الوليدات فشد ليا نقطع لك عندي وحدة ماطوفش بالحوت نهائيا واخا ماعرفت شنو تحطي لها خاصها الكروفيت صافي والصغيرة غالبا عليها تكل كولشي ولا نخرج ليها الجنون في جميع الشكال والألوان ههههه وحدة ماتكلش الكبدة كيف ماكانت وحدة عدوها الطاجين والمرقة عموما تاكل حاجة او زوج طاجين اللحم بالجلبانة ولقوق والدجاج طياب الأعراس وبس خيزو طايب ماطوفش به ولكن حتى انا ماشي من العاكزين تنستعمل تاحراميات على الجهد هههههه تنوكل لها خيزو بلا ماتعيق به ههههعرفتو فاش فلاصوص دليباط ومرة مرة فالحريرة الحمرا :d:d:d:d:d |
شكرا اميناس على الدعيوة ديالك
|
الساعة الآن 06:59. |
Powered by vBulletin® Version 3.8.8
Copyright ©2000 - 2024, vBulletin Solutions, Inc. Trans by