السلام عليكم و رحمة الله و بركاته
وليداتنا كيعجبهم يلعبوا بالعجين المصنع و كلنا عارفين ان فالسنين
الاخيرة اغلب هاد العجين كيدخل من الصين و الجودة ديالو نااااقصة و بزاف
هدي طريقة جربوها مجموعة من الاخوات لصنع هاد العجين فالبيت و بمكونات صحية و سليمة من اي خطر يهدد فلدات اكبادنا
طولت إليكم ههههه
المقادير:
كاس دقيق الفورص
كاس ديال الماء
نص كاس ملح
ملعقة كبيرة زيت المائدة
ملعقة كبيرة عصير الحامض
معلقة ديال الخل
و الملونات الغدائية
الطريقة:
كنعملوا جميع المقادير فوق النار مهيلة باسثناء الملونات
كنحركوا مزيان لمدة عشر دقائق دون توقف
حتى نحصل على عجين متماسك
ثم كنزولوه من فوق النار
كنقسموه على حساب الملونا اللي عندنا
كل كرة كنعملوها بلون
و ها احنا وجدنا لوليداتنا عجين يلعبوا بيه كيف ما بغاوا بطريقة سهلة و بمكونات بسيطة و الاهم آمنة

و هادي صورة لهذا العجين

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

شكرا ام امنة موضوع مفيد جدا
جزاك الله خيرا
راه قديت ليك الموضوع ;)

تبرك الله عليك والله اخلي لك وليداتك

بارك الله فيك حبيبتي وفي اولادك
ولك جزيل الشكر على تعميم الفائدة

و انت من أهل الجزاء تطوانية ‏
على المرور و التعديل
بارك الله فيك
سميتي آمنة ماشي ام آمنة ههههههه‎
‎

ربي يبارك فيك ورزازية
و يخليك ليك ما عز عليك
‎
‎

و فيك بارك الله الحبيبة ديالي و يحفظ ليك وليداتك و يحفظك ليهوم
الله يقدرنا على فعل الخير وخا غير بأبسط النصائح ‏
‏‎
‎

شكرا اختي على الموضوع واش ماشي مشكل يلعبو بنعمة ديال الله حيث حنا عارفين دراري صغار مرة يخبزو العجين فالارض مرة يلعبو بيها برجليهم وسمحلي اختي انا كيجيني الدقيق واي حاجة كتكال نعمة من عند الله مخاصناش نلعبو بيها لانه كاينين بزاف ناس ملقينهاش ياكلوها تقبلي مروري وراي الخاص

رأيك يحترم أختي
هنا التربية كتحكم ملي يلعبوا بيها غادين غير يشكلوها و يلعبوا بيها فوق الطبلة احسن من العجين الخطر على صحتهم
كيلعبوا بيها بحب ماااشي بالتحقير استغفر الله
و ربي سخر لينا النعم باش نستغلوها فالجانب النفعي للانسان
زيت الزيتون نعمة و كندهنوا بيها الجسم في حين كان خاصنا ناكلوها صافي
العسل و البيض و النخالة اللي كيتعملوا ماسكات و زيد وزيد
بزاف ديال الناس خاصهم غي قطيرة د الزيت أو عسل يدوزوا بيهوم دغيمة الخبز
الاشجار و الأبقار نعم الله كناكلوهم و فنفس الوقت كنستغلوهم فحوايج أخرى‎
‎تكون فصالح الانسان
كنظن إيلا جبت لولدي عجين كيماوي و كلاه و تسبب ليه فتسمم هذا هو الإثم و أنا عندي عجين سليم كيتمتع بيه ولدي و في حدود الاحترام
شكون لي معمرها خدات طريف د العجينة و كرصاتو و دارت خبيزة
أو دوك جنيبات ديال الحلوة و شكون لي مقلدات أمها فالشباكية و لعبت بالجرارة و المدلك على طريف ديال العجينة