شكون تفيدني في غرس الاشجار
السلام عليكم ورحمة الله
بغيت البنات الله جزيكم تفيدوني الا عندكم علم بالاشجار الي تتغرس ومتتحتاج تسقى هذا موسم غرس وبغيت ندير شي شجيرات في الجردة صغيوة الي صيبتها في العروبية ولكن حرت بغيت شي شجر ميحتاج للما والسقي ههههههههه انا بعيدة عليهم وحتى لوعندكم شي نصائح على شي حاجة نغرسها للعلم عندي فيها غير 50 متر مربع على 50 شحال يقدر يجي في هذ المساحة من شجرة فقط عنخلي غير ممر من باب لكبير لباب الدار دخلاني جزاكم الله خيرااا لا تبخلو عليا , , , , , |
والو ياختي انا بعدا مكنعرفش في الغرس
الله ايسر امورك والله اسخر ليك الغرس وجبي لينا شوية من الغلة هههههه |
السلام عليكم
الله يسخر انا اول حاجة فكرت فيها شجرة الزيتون او شجرة الكركاع او شجرة اللوز ماما الله يرحمها كانت اغرست شجر الزيتون بباب الدار دابا ما شاء الله كتجيب شي زيتون كبير و جميل فالمنظر لكن لي خاطيين شغلهوم مكيخليو فيه والو ثم واحد الولد الله يرضي عليه اغرس كركاعة فالارض و اطلب من الوزير يحافظ عليها و سبحان الله اطلعت مقدار متر على الارض و يوم السبت زرت الجريدة صبتها بدات كتعمل الورد يعني غادي تعطي الغلة من بعد سنتين من الغرس ديالها |
لكن حسب لي كنعرف فالاول خاصها السقي و ماشي بزاف غير على ما تقبط راصها فالارض
خاصك تشري النقلة يعني اشجيرة صغيرة لي تقدر تقاوم الغربة و الوحدانية |
الله يسر لك أنا ولو مكنفهمش فهدشي ههههههه
كم قالت غصن زيتون لوز كركاع كيصبر و |
اقتباس:
يكفي انك شاركتني |
اقتباس:
خصو العناية والسقا في الاول حتى يشد وعاد على خمس سنوات عاد عتعطي زيتون هنا الفكرة الي بغينا هي شجر باش نستضلو بيه وخصوصا ان الحار بزاااف هنا ههههه انا قلت ليه نديرو الليمون والله اعلم لكن كلشي تيبغي يسقا وهذا الي محيرني |
اقتباس:
بالنسبة لشجر اللوز والكركاع محال يصدق هنا مبانش ليا هو حسب لبلاد او فين ما كان يصدق ؟ هنا في السوق كاين غير نقلات تاع الزيتون والليمون هذ الشي الي شفت اه حقا والداليات |
اختي غصن الي مفهمتش واش الجردة عندك ماشي في بيتك ؟ لانني تتقول مشيت تفقدتها هههههههه
|
اقتباس:
الليمون مزيان و كيعطي ريحة زوينة و لكن انت ما ساكناش تم غادي يبدى يطيح منين يطيب و يعفن ليك الارض على ما اعتقد اما الزيتون و اللوز و الكركاع كيصبر و حتى يلا طاح كيبقى فالارض كييبس و فصالحكوم منين تجيو تصيبوه واجد خاصك تشري شجرة كبيرة باش تشد راصها دغيا و تغرسيها فوسط المكان لي خاص بيك لان احيانا الشجرة كتكبر بزاف و الفروع ديالها كتمد الى غاية اراضي الجيران يلا كانو حداك الجيران و اغلبية الجيران كينوضو الصداع على اقل شيء |
الساعة الآن 12:06. |
Powered by vBulletin® Version 3.8.8
Copyright ©2000 - 2024, vBulletin Solutions, Inc. Trans by