منتديات  ورود مغربية

منتديات ورود مغربية (http://www.woroudmaghribia.com/vb/index.php)
-   قسم الاثات و الديكور (http://www.woroudmaghribia.com/vb/forumdisplay.php?f=65)
-   -   دارنا والديكور قبل وبعد التغيير بالصور يا زهرات مرحبا بيكم (http://www.woroudmaghribia.com/vb/showthread.php?t=1710)

زهرة طنجوية 10-04-2012 11:48

دارنا والديكور قبل وبعد التغيير بالصور يا زهرات مرحبا بيكم
 
ثبت بواسطة اميناس



السلام عليكم ورحمة الله وبركاته اخواتي الزهرات
هاد الموضوع ان شاء الله غادي يكون خاص بديكور ديورنا وكل ما كيخص اي تغيير ف الديكور او ف امكنة الاتات او تغيير طلاء الغرف او اقتناء اتات جديد وكل ما يضيف لمسة ديكورية وروح جديدة للبيت ولو يكون بسيط اكيد كيخلي بصمة جديدة وكيبعت فينا روح جديدة ونشاط وحياة جديدة بعيدة على الروتين
لهدا غادي نتشاركو ف كل ما هو تغيير وتجديد داخل بيوتنا ان شاء الله كيف ما دكرت واخا يكون بسيط
يالله الزهرات صورة من عندي وصورة من عندك ل ما قبل وما بعد التغيير والتجديد لكل ارجاء البيت غادي نعملو البوم جميل ونافسو برنامج دار وديكور ههههههههه
دابا هاد الشي كامل وما عرفتش فاين غادي نحمل الصور شي زهرة تعتقني هههههههههههه

الراجية عفوربها 10-05-2012 01:08

تبارك الله علي سيهام الحيوح بداو
سييري لفوق راه مركز تحميل الصور طلعي
وارا براع راه خصني نشوف الكوزينة ديالك بعد التغيير
الببلوة ههههههه

بلقيس 10-05-2012 08:56

اهلا بالزيونات وانا نقول المنتدى نور ياتاري دا نورك ياحبيبي هههههه والموضوع عجبني بصاح نتعلمو من بعضنا فكل مايخص ديكور البيوت وحتى اللي بغات تصلح لدار اش من صباغة واش من فايونس الخ ايوا عنداك عاود تسلتي ههههههه....وحتى انا عندي ليكوم تصيورات يالله البنات الحيحة هههههه

اميناس 10-05-2012 10:05

الا لا تبارك الله عليك وعلى افكارك ....

وبعدا راكي منورة المنتدى ... لهلا يخطيك علينا واخلاص
فعلا مضووع الديكور كلنا تنحتاجوه في ديرونا .... وناوية ان شاء الله تا انا ندير شي تغييرات في داري

الله يصوب غير الوقت ما تترحم ... ومازال ما وصلت فين ... ولكن على العموم هاد الامور

تتبغي نيت التياويل وبشوية باش الواحد يدير حاجة زينة وما يندمشي عليها ...

مثلا

ناوية بادن الله ..نصبغ واحد لافاص من بيت نعاسي.. باش نغير شوية

ناوية نصبغ بيت الدراري ... ونزيد واحد اللعيبة للناموسية ديالهم

اما واحد لا لا مولاتي الكوزنة باقا معكسية معاي...غير الله يصوب

مع زال ما بغاتش تتقاد ...واللي سمع الكوزنة يتخيهلا كبيرة هي راه كويزنة ههههه زعما صغيتوتا .هههه

اوا المهم يا لا لا ها احنا معاك

ومركز التحميل ملي تكوني في الصفحة الرئيسية ... شوفي العناويني اللي في اعلى الصفحة وغدي يبان ليك مركز التحميل

اوا في انتظار مواضيعيك

شوقتينا

زهرة طنجوية 10-05-2012 10:55

صباح الخيرات عليكم ايوا هانا جيت تاني عييت نقلب على مركز التحميل وما جبرتوش حتى بدتستايل المنتدى عاااااااااد جبرتو يعني ما كيبانش ف الستايل الي كان عندي
المهم نبداو بسم الله وان شاء الله يكون الموضوع ف المستوى بمشاركاتكم معايا
الراجية البلوة ياك بالكوزينة ان شاء الله غادي نبدا يالله عشان خاطرك ولكن راه ماشي داك الشي الي كنت بغيت
بلقيس اهلا الفنون توحشتك هانا كنستنا مشاركاتك وصورك يا سلااااام
اميناس ربي يخليك الغزالة ويعاونك على الحياة وان شاء الله تعمل داك الشي الي بغيتي واجي نورينا

زهرة طنجوية 10-05-2012 11:09

الكوزينة ديالي كنت باغا نعدلها باللون الازرق بخشب جديد ولكن الي دفعتلو بقا يجيب ويدي فينا حتى عملنا مناقص ودفعتهم لنجار عادي عاودلي الخشب ديالي نيت وطلاهم باللون الازرق ولكن ملي شافتهم اختي ما عجبوهاش واخا انا قلت ما بيهمش وحتى عاءلة راجلي عجبهم اللون وانا عملت بكلام اختي الي قالتلي جاو فحال دوك الكوزينات ديال التخيام عندنا هنا ف الشمال وقبل ما نولد قالتلي دخل عليهم اللون البني وداك الشي الي عملت شريت طلاء بني وصبغتهم المهم اني غيرتهم والسلام راه غادي يبان ليكم داك البلاكار الطويل غير النص الي صابغاه باش تشوفو كيف كانو ف الاول

هادي الكوزينة قبل التغيير

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

زهرة طنجوية 10-05-2012 11:11

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

زهرة طنجوية 10-05-2012 11:16

بعد التغيير
عدلت ف البالكون د الكوزينة الالمنيوم وخرجت البوطة للبالكون وحيدت الباب د البالكون فتحتها وعملت ستارة ديال العقيق ف الازرق والابيض وشريت زربية طويلة ف الازرق وحيدت الطابلة ديال الماكلة الي كانت عندي حيت كانت كبيرة وشريت اخرى اصغر وعملية وعدلتلها مخيدات وناب للطابلة بالمبرا

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

زهرة طنجوية 10-05-2012 11:24

يالله الغزالات كنكتفي بهاد القدر اليوم بنتي فتنتتتتتتتتتتني بالمعقول انا نكتب وهي حتى هي كتجابد تكتب رونتني كندابزو على لاسوري هههههههههههههههه هي تجبد وانا نجبد قلبتلي الصفحة ههههههههههه
انتضروني ف المزييييييييييييييد ان شاء الله

الراجية عفوربها 10-05-2012 11:32

تبارك الله ماشاء الله عليك بدلتى الديكور وجات زوينة الكوزينة بصاحتك
**** تستاهلى المليح


الساعة الآن 07:46.

Powered by vBulletin® Version 3.8.8
Copyright ©2000 - 2018, vBulletin Solutions, Inc. Trans by
This Forum used Arshfny Mod by islam servant