بوحمرون

[وهج الايمان]

السلام عليكم ورحمة الله تعالى وبركاته

انا محتجاكم اليوم بزاف بزاف بزاف ومحتاجة لكل ام مرت بنفس التجربة بنتي حبيبتي عندها عامين ظهرت فيها شي حبوبات حمرين انا شكيت بلا راه بوحمرون حيت عنيها حمرين بدا فيها من البارح
مافيهاش الشخانة راجلي قاليا تقدر تكون غير حساسية حيت حيدت ليها ليكوش وتتبقى فالتواليت امكن دات منها شي ميكروب
واش الى كان بوحمرون واش مزيان ليه التدوش وسمعت بان الشيح مزيان والعسل وندهن ليها باركان
و بغيت نعرف الفرق بين بوشويكة وبوحمرون

واشنو هي الاحتياطات اللي لازم لي نعملها فكل حالة


الله لا يوريكم باس فعزيز عليكم

عافاكم ما تبخلو علي را محتاجة ليكم اكثر مما كتتصورو

توكلت على الله وفوضت امري ليه وعليه اعتمدت ثم عليكم انتم الاخوات

ولهلا يحوجكم ولهلا يخطيكم عتقوني

[اميناس]

السلام عليكم

احبيبتي سمحي لينا واخاخ تعطلت عليك يلاه شفت الموضوع ديالك

بخصوص بحمرون راه بفضل الجرعات اللي تيعطوهم في السبيطار راه ما بقاش تيخرج بنفس الحدة كما كان زمان او من اشحال هدي
تقريبا انان ما عمرني مازال شفتو ... وحتا الا كان تيجي خفيف جدا جدا جدا جدا ....

اما بشويكة فهو مع كل دالك فمازال تيجي لكل شخص .. ا وانا داز عليا فاش كبرت وخلا ليا طراس وتا ولدي الكبير جاه وهو صغير .. وخلا فيه تا هو الاثر ديالو لانو حبيباتو تيكونو كبار ...

بخصوص الحبيبات اللي قلتي في بنتك ممكن تكون غير حساسية كما قال راجلك خصوصا ان ما فيها سخانة ....

المهم راقبي او عملي غي طليلة في سبيطار الحومة ....

والله يحفظ ليك بنوتك ان شاء الله

وطمنينا عليها

[فراشة]

الله يحفض ليك اختي البنوتة ويعافها ياربي
راه كما قالت الاخت اميناس بوحمرون مبقاش كيجي كما زمان انا بناتي كاع مداز فيهم
اما بوشويكة اه وحبيباتو كيكونو كبار ملي كان فباتي عطتهم غير العسل الحر

[الهام]

الله يشافيها اختي طمنينا عليها

انا شكيت يكما تكون كلات شي حاجة مملفاهاش خصوصا بدات الفواكه الموسمية اش عطيتيها مؤخرا جديد عليها
بوحمرون جاني وانا كبيرة اللي نعرفو كيعمل السخانة وحتى بوشويكة والله اعلم
الله يشافيها فالقريب العاجل

[اميناس]

اختي وهج الايمان ارجو ان تطمنينا عليك وعلى بنتك ....

اللهم يسر ولا تعسر

[ام العربي]

اختي اميناس وهج الايمان بنتها تحسنات شوية على كيف كانت وخا مزال متنعس ليها الليل بالحكان لكن احسن والحمد لله
الله يشافيها ليها ويشوف من حالها

[اميناس]

بارك الله فيك اختي ام العربي ولهلا يخطيك ارجو تبلغي ليها سلامنا وتحياتنا

بارك الله فيك

[ام العربي]

بارك الله فيك اختي ام العربي ولهلا يخطيك ارجو تبلغي ليها سلامنا وتحياتنا

بارك الله فيك
يوصل غاليتي يلاه سولتها غير الصباح وقالت لي بدات في تحسن

[منولة]

الله يحفظ ليك بنتك اختي ويشافيها